Ўзбекистон U-19 Япония ёшларига қарши иккита ўртоқлик ўйинида майдонга тушади

Ўзбекистон U-19 ёшлар терма жамоаси 3-9 сентябрь кунлари Тошкентда навбатдаги ўқув-машғулот йиғинини ўтказади. Алексей Евстафеев бош мураббийлигидаги Ўзбекистон U-19 ёшлар терма жамоаси мазкур йиғин давомида Япония U-19 ёшлар терма жамоасига қарши иккита ўртоқлик учрашувини ўтказади. Японияга қарши ўйинлар Тошкентдаги «ЖАР» стадионида 5 ҳамда 7 сентябрь кунлари бўлиб ўтади.

Маълумот ўрнида, Ўзбекистон ёшлар терма жамоаси шу йилнинг 4-12 октбярь кунлари 2014 йили Мянмада бўлиб ўтадиган ёшлар ўртасидаги Осиё чемпионати саралаш баҳсларида иштирок этади. Ўзбекистон ёшлари саралаш баҳсларининг «А» гуруҳида Қатар, Туркманистон, Ҳиндистон ва Непал ёшлар терма жамоаларига қарши баҳс олиб борадилар. «А» гуруҳи баҳсларига эса, Қатар мезбонлик қилади.