Ўзбекистон U-19 эртага Сингапурга учиб кетади
16 jul 2016 14:00
News

Ўзбекистон U-19 эртага Сингапурга учиб кетади

Жасур Абдураимов бошчилигидаги Ўзбекистон U-19 терма жамоаси эртага Сингапур мамлакатига учиб кетади.

Осиё чемпионатига тайёргарлик кўраётган Ўзбекистон ёшлар терма жамоаси 13 июль куни Тошкентда йиғинни бошлаганди. Эртага жамоа халқаро мусобақада иштирок этиш учун Сингапурга йўл олади.

Ушбу мусобақада Эрон, Хитой, Сингапур ва Ўзбекистон ёшлар терма жамоалари иштирок этишади.

Ярим финал босқичига қуръа ташланиб бўлди. Унга кўра Ўзбекистон Эрон билан, Хитой эса Сингапур билан ўйнайди. Ғолиб жамоалар финалда, мағлублар 3-ўрин учун баҳсда майдонга тушишади.

Маълумот учун, Баҳрайндаги Осиё чемпионати гуруҳ босқичида Ўзбекистон Хитой, Австралия ва Тожикистон билан куч синашади. Қитъа биринчилигида ярим финалга чиққан тўрт жамоа 2017 йил Жанубий Кореяда бўлиб ўтадиган U-20 Жаҳон чемпионатида қатнашади.

Link :

Source : championat.asia

Receive latest football news directly on your phone. Subscribe for our Telegram channel!

Rating: -1