Ўзбекистон U-17 ўсмирлари иккинчи учрашувда Австрия ўсмирларига мағлуб бўлди

Ўсмирлар ўртасидаги (U-17) жаҳон чемпионатига тайёргарлик кўраётган Ўзбекистон U-17 ўсмирлар терма жамоаси 4-9 сентябрь кунлари Австрияда навбатдаги йиғинини ўтказиши ҳақида хабар берган эдик. Мазкур йиғин давомида Нуралиев шогирдлари 5 ҳамда 7 сентябрь кунлари мезбон - Австрия ўсмирлар терма жамоасига қарши иккита ўртоқлик учрашувини ўтказиши режалаштирилган эди.

Дишлод Нуралиев бош мураббийлигидаги Ўзбекистон ўсмирлар терма жамоаси 5 сентябрь куни Австрияга қарши илк учрашувида 1:1 ҳисобида дуранг ўйнаган эди. 7 сентябрь куни терма жамоалар иккинчи маротаба майдонга тушишди ва бу сафар мезбонлар - Австрия ўсмирлар терма жамоасининг қўли баланда келди - 3:0.

Эслатиб ўтамиз, Дилшод Нуралиев бош мураббийлигидаги Ўзбекистон U-17 ўсмирлар терма жамоаси шу йилнинг 17 октябрь - 8 ноябрь кунлари БАА мамлакатида бўлиб ўтадиган U-17 ўсмирлар ўртасидаги жаҳон чемпионати финал босқичида иштитрок этади.

Ўртоқлик учрашуви. Пурбах, Австрия
7 сентбярь, шанба.
Австрия (U-17) - Ўзбекистон (U-17) - 3:0
Голлар: Пеллегрини (18), Грбич (43), Рипич (81)