Ўзбекистон U-16 бош мураббийи Жамолиддин Раҳматуллаев: "Биз бундан ҳам кўпроғига лойиқмиз"

"Нима ҳам дердим, кўриниб турибди биринчи учрашувда барибир босим бўлди. Айрим вазиятларда омад етишмади. Агар голга айлантира олганимизда умуман бошқача ўйин кечарди. Иккинчидан вақт ўтгани сари босим янада ошиб борди. Афсуски, биргина ҳолатда диққатни йўқотганимиз голга олиб келди. Футболчиларим охиригача курашди. Уларга катта раҳмат. Бемалол айта оламан, биз бундан кўпроғига лойиқмиз. Бу ўйин хатоларимизни кўрсатиб берди",- дейди Жамолиддин Раҳматуллаев.

- Биринчи бўлимда қанотларимиз деярли ишламади. Вингерлар кўрингани йуқ. Бу ўйинга танланган тактика билан боғлиқми?
- Кўрган бўлсангиз, рақиб бизни иккинчи зонада кутди ва бўш худудлар қолдирмади. Бундай вазиятда таваккал қилиш катта хатога олиб келарди. Рақибни ўзимизга чақириб бўш зоналардан фойдаланишга ҳаракат қилдик.

- Жамоада ўйин суръати бор. Аниқ услуб кўзга ташланмоқда. Футболчилар характерга эга. Бу ўртоқлик учрашувларидан кейинги хулоса. Расмий баҳсларда ҳам буни қанчалик кўрамиз?
- Бундан ҳавотирим йўқ. Чунки ўйинимиз яхшиланиб боряпти. Мазкур мусобақадан кейин янада кучаямиз. Саралаш баҳсларига оптимал ҳолатда етиб борамиз. Футболчиларим ва мураббийлар штабимга ишонаман.

Аминбек Ёқубов: "Бугун ғалаба қозонишимиз керак эди"         

Эрон U-16 бош мураббийи: "Ўзбекистон гол урмаганида, ҳакам яна 10 дақиқа қўшишга тайёр эди"