Latest news

08:50«Ал Ҳилол» мураббийи истеъфога чиқарилди  1 08:24Эрон чемпионати. Яхшибоев ва Юсупов жамоалари дуранг ўйнади  0 07:50Суперлига. Бугун 8-турга старт берилади  1 06:40Конференциялар лигаси. "Челси" сафарда "Юргорден" дарвозасига 4 та гол урди, "Бетис" эса "Фиорентина"ни мағлуб этди  3 06:30Европа лигаси. "Манчестер Юнайтед" сафарда "Атлетик" устидан йирик ҳисобда ғалаба қозонди, "Тоттенхем" эса "Буде-Глимт"ни мағлуб этди  34 02:10Конференциялар лигаси. "Челси" финал масаласини деярли ҳал қилди, "Бетис" "Фиорентина"ни кичик ҳисобда мағлуб этди  3 02:03Европа лигаси. "Манчестер Юнайтед" меҳмонда йирик ғалабага эришди, "Тоттенхэм" ҳам учта гол билан зафар қучди  4 01:50АПЛ. ЕЧЛ учун курашаётган "Ноттингем Форест" ўз уйида мағлубиятга учради  5 01:11Холанд қайтди  0 00:15Ана холос! "Интер"нинг энг муҳим футболчиси "Барселона"га қарши ўйнамайди  18 23:44"Реал" Модрич ва Васкес билан шартномани узайтиради  3 23:13Гёкереш "Манчестер Юнайтед"га ўтадими? Рубен Аморим жавоб берди  2 22:50Сеск Фабрегас фаолиятидаги энг яхши мураббийи ким эканлигини айтди  2 22:11Габриэль Агбонлахор: "Ямал мени қўрқитмоқда"  4 21:57Ямалнинг ёшида Месси ва Роналдунинг статистикаси қандай эди?  15

Ўзбекистон терма жамоаси футболчиларига мурожаат News

Ўзбекистон терма жамоаси футболчиларига мурожаат

Ушбу мурожаатнинг мураббийларга умуман дахли йўқ бўлиб фақат футболчиларга аталади.

Бошингизни тик тутинг! Ҳали ҳеч нарса йўқотилгани йўқ. Кечаги ўйин бир ёмон туш бўлди, холос. Иккинчи бўлимнинг охирги 20 дақиқасида кўрсатган ўйинингиз таҳсинга сазовор. Мағлубиятни дурангга айлантира олдик, сал қўшганимизда ютиб кетишимиз ҳам мумкин эди. Шунчаки омад келмади деб қўя қоламиз.

Бир нарсани унутманг, Сизлар Ўзбекистон миллий терма жамоасидек шарафли ном остида ўйнаётган кам сонли футболчилардан бирисиз. Бу даражага етиш, Жаҳон чемпионати саралаш ўйинларида қатнашиш ҳар кимга насиб этавермайди. Қанчадан қанча футболчилар терма жамоа либосини кийсам деб орзу қилади.

Кечаги аламли мағлубият ўтди-кетди. Яна тўрт кундан сўнг бизни Шимолий Кореяга қарши баҳс кутмоқда. Мағлубият билан яшаш асло фойда келтирмайди. Мундиалга бориш учун ҳалиям яхши имкониятга эгамиз. Эронни, Қатарни, БААни ўйламанг, ўз ўйинингизни ўйланг. Буёғига аввалги турларда бўлгани каби ўз очколаримизни йиғайлик, математика билан ўралашиб қолмайлик.

Ишонинг, Шимолий Корея устидан қозониладиган ғалаба ҳаммасини жойига туширади. Чунки бу турда БАА ва Қатар ўзаро ўйнайди. 6 очколик фарқ учтага қисқарди, аммо бу ҳам ваҳимага сабаб бўла олмайди. Агар КХДРни мағлуб этсак, ҳаммаси ўз ўрнида қолади. Шундай хотиржам кайфиятда қишки танаффусга йўл оламиз.

Мураббийларни ёмонлаб футболчиларни уларга қарши қайраш ниятимиз йўқ. Биз битта кемадамиз ва кема соз ҳолатда манзилга етиши учун ҳамманинг бирдамлиги ва ўз ишига садоқати керак бўлади. Жамоага асло фитна аралашиши керак эмас. Бош мураббий - кема капитани, унинг гапи - буйруқ, буни жуда яхши тушунамиз. Лекин мадомики мураббий ҳисоб 2:2 бўлганидан кейин Сизларга ҳимояланишни айтмаган экан, Шимолий Корея билан 0:0 бўлиб турган пайтда ҳужумга ўтайликми деб ҳам сўраманг. Ҳужум қилинг, зеро ҳужум хавфли вазият яратади, вазият эса гол олиб келади.

Шуни унутмангки, биз Сизларга тўлиқ ишонамиз. Биз Шимолий Кореядан исталган пайт исталган майдонда кучлимиз. Қатар бу жамоани юта олмагандир, лекин биз юта оламиз. Ҳатто Шомуродовсиз ҳам КХДРни мағлуб этишимизга ишонамиз.

Ҳал қилувчи саралашнинг экваторидан ўтдик. Яна 5та ўйин қолди. Энг муҳими, ҳеч кимга боғланиб қолганимиз йўқ. Қайтанга рақиблар бизга қараб турибди. Майли, Эрон узоқлашиб кетаверсин, улар хотиржам бўлсин, аммо биз иккини бериб қўймайлик. Бир нарсани унуманг, агар ҳозир тўғридан-тўғри жаҳон чемпионатига чиқмасак, кейинги босқич бундан-да қийин бўлади.

Ушбу мурожаатни хоҳланг бир кишидан деб билиб, хоҳланг юз киши, хоҳланг минг киши. Чунки бугун бир киши хоҳлаган нарсани минг киши, ҳатто миллионлаб одамлар ҳохлаётган замонда яшаяпмиз. Бу - Жаҳон чемпионатига чиқиш орзуси. Буни энг кўп ўзингиз хоҳлаётганини ҳам биламиз. Шундай экан, бу йўлда халақит беришни асло истамаймиз, йўлингиз доим очиқ бўлсин, Лаосдан ёруғ юз билан қайтиш насиб қилсин. Омад, йигитлар!


Х.Холиқов


North Korea

World Cup Qualification AFC 3rd Round Grp. A . Round 6

19/11/2024, 17:00

1
:
0
Finished

Uzbekistan

Abbosbek Fayzullayev - 44'

Stadium: 166 spectators

45'
90'
34'  Un-Chol Ri (Tam Kye)
59'  Kuk-Chol Jang
70'  Chung-Song Paek (Kwang-Hun Pak)
70'  Jo-Guk Ri (Il-Gwan Jong)
85'  Il-Gwan Jong
88'  Kwang-Song Han (Ju-Song Choe)
38'  Bobur Abdikhalikov
44'  Abbosbek Fayzullayev
66'  Bobur Abdikhalikov (Khozhimat Erkinov)
80'  Jaloliddin Masharipov (Azizbek Amonov)
80'  Abbosbek Fayzullayev (Azizbek Turgunbaev)
83'  Umar Eshmuradov
87'  Azizbek Amonov (Abdulla Abdullaev)

Rating: +36   

Comments

championat.asia
< show latest news
Яндекс.Метрика