Ўзбекистон терма жамоасининг рақиблари ўйинлари ҳақида
06 jun 2016 10:36
News
![](https://championat.asia/upload/storage/210438_original.jpg)
![](/upload/storage/210438_220.jpg)
Ўзбекистон терма жамоасининг рақиблари ўйинлари ҳақида
Жанубий Корея миллий терма жамоаси ўтган ҳафтада Испания терма жамоасига қарши ўртоқлик учрашувида майдонга тушгани ҳақида аввалроқ хабар берилган эди. Испанияга қарши ўйиндан сўнг Ули Штилике жамоаси 5 июнь куни Чехия терма жамоасига қарши майдонга тушди ва 2:1 ҳисобида ғалаба қозонди.
Эрон миллий терма жамоаси эса, ўтган ҳафтада Македония терма жамоасига қарши ўртоқлик учрашувида майдонга тушди ва 3:1 ҳисобида ғалаба қозонди. Учрашувдаги уччала голга ҳам Сардор Азмун муаллифлик қилган.
Ўзбекистон миллий терма жамоасининг гуруҳ босқичидаги яна бир рақиби – Хитой терма жамоаси эса ўз майдонида Тринидад ва Тобаго терма жамоасига қарши ўртоқлик учрашувини ўтказди ва 4:2 ҳисобида ғалаба қозонди.
Ўзбекистон миллий терма жамоасининг гуруҳ босқичи илк туридаги рақиби – Сурия терма жамоаси эса 3-5 июнь кунлари Таиландда бўлиб ўтган "Қирол Кубоги" турнирида иштирок этди. Мусобақа ярим финалида мезбон – Таиланд терма жамоасига қарши майдонга тушган Сурия терма жамоаси 2:2 ҳисобида дуранг ўйнади. Пенальтилар сериясида эса Таиланд ғалаба қозонди ва финалга йўл олди. Учинчи ўрин учун ўйинда эса, Сурия терма жамоаси БААни 1:0 ҳисобида мағлуб этди.
Ўзбекистон миллий терма жамоаси рақибларининг ўртоқлик учрашувларида қайд этган натижалари.
Жанубий Корея – Чехия 2:1
Голлар: Юн Битгарам (26), Сук Хен Жон (40) – Марек Сухи (46).
Македония – Эрон 1:3
Голлар: А. Трайковски (10) – С. Азмун (8, 20, 60).
Хитой – Тринидад ва Тобаго 4:2
Голлар: Жиан Нинг (3), Жанг Йи (31, 65), Ху Рентиан (89) – У. Плаза (67, 86).
"Қирол Кубоги". Ярим финал.
Таиланд – Сурия 2:2 (пенальтилар сериясида 7:6).
Голлар: Т. Дангда (21), М. Тоссакаи (44) – М. Алмаваз (60), А. Агия (86).
"Қирол Кубоги". Учинчи ўрин учун ўйин.
БАА – Сурия 0:1
Гол: Ҳ. Мидо (50).
Similar news
![AMP Logo](https://championat.asia/image/logo-amp.png)
Comments