Ўзбекистон терма жамоасининг Дубайдаги учинчи рақиби ҳам маълум
05 feb 2021 10:53
News

Ўзбекистон терма жамоасининг Дубайдаги учинчи рақиби ҳам маълум

Ўзбекистон миллий терма жамоаси учун ЖЧ-2022 ва Осиё кубоги-2023 қўшма саралаш босқичи беллашувларига тайёргарлик режасидан ўрин олган навбатдаги ўқув-машғулот йиғини ташкил этилади.

Миллий терма жамоамиз 8-18 февраль кунлари Дубай шаҳрида машғулот олиб боради ва йиғин давомида учта ўртоқлик ўйини ўтказади.

Ҳозирга қадар "Зенит" ва Иордания терма жамоаси билан ўйинлар маълум эди. Сўнгги рақиб эса Беларусь чемпиони Солигоркснинг "Шахтёр" клуби бўлади. Бу ҳақда championat.asia сайти Беларусь клубига таяниб хабар берди. Эслатиб ўтамиз, "Шахтёр" сафида ўзбекистонлик ҳужумчи Шаҳзод Убайдуллаев тўп тепмоқда.

Куни кеча Вадим Абрамов Ўзбекистон терма жамоасининг Дубайга учиб кетадиган футболчилар рўйхатини эълон қилганди. ТЎЛИҚ РЎЙХАТ

Дубайдаги ўйинлар рўйхати:
12 февраль "Зенит" - Ўзбекистон МТЖ
15 февраль Иордания МТЖ - Ўзбекистон МТЖ
17 февраль "Шахтёр" Солигорск - Ўзбекистон МТЖ