Ўзбекистон ўсмирлар терма жамоаси Словакияда йиғин ўтказмоқда

Ушбу йиғин 28 август куни бошланди ва 3 сентябргача давом этади. Машғулотлар Словакиянинг Миява шаҳрида олиб бориляпти. Бир ҳафталик йиғин давомида Темур Олимхўжаев шогирдлари Словакия ўсмирлар терма жамоаси билан иккита ўртоқлик учрашуви ўтказади. Ўйинларнинг дастлабкиси 30 август куни ўтказилса, иккинчи ўйин 1 сентябрь кунига режалаштирилган.

Ўзбекистон ўсмирлар терма жамоаси 3 сентябрда Словакия йиғинидан қайтиб, бир ҳафта Тошкентда машғулот ўтказади. 9 сентябрь куни мусобақа ўтказиладиган Ҳиндистоннинг Гоа шаҳрига йўл олади. Турнир олдидан Гоада Австралия ўсмирлари билан ўртоқлик учарашуви ўтказиш бўйича келишувга эришилган.

Эслатиб ўтамиз, Ўзбекистон ўсмирлар терма жамоаси Осиё чемпионати финал босқичида КХДР, Таиланд ҳамда Яман ўсмирлар терма жамоалари билан бир гуруҳдан ўрин олган.

Словакиядаги йиғинда иштирок этаётган Ўзбекистон U-16 таркиби:

Дарвозабонлар: Жасур Умрзоқов, Абдувоҳид Неъматов

Ҳимоячилар: Мардон Абдуллаев, Шохзамон Хайруллаев, Ихтиёр Холдоров, Ислом Каримов, Муҳаммадали Номозов, Бурхон Ҳасанов, Абубакр Мўйдинов

Ярим ҳимоячилар: Асадбек Собиржонов, Расул Йўлдошев, Остон Ўрунов, Бахромжон Соатов, Ғайрат Азизхўжаев, Абдуғани Камолов

Ҳужумчилар: Дониёр Абдуманнопов, Иброҳим Ғанихонов, Шухрат Неъматов