Ўзбекистон МТЖ. Тўрт футболчига жавоб берилди

Қирғизистонга билан ўтказилган ўртоқлик учрашувидан сўнг терма жамоа ихтиёрини бир неча футболчи тарк этди.

Шароф Муҳиддинов ва Аброрбек Исмоилов Олимпия терма жамоаси билан бирга БААга халқаро турнирга йўл олишди. Шунингдек, сал аввал Азиз Ғаниев ҳам олимпиячилар сафига бориб қўшилган эди.

Акбар Исматуллаев, Сардор Мирзаев, Санжар Шоаҳмедов ва Ҳумоюн Муртозаевлар эса ўз клубларига йўл олишди. Уларга терма жамоа мураббийлар штаби томонидан ушбу йиғин давомидаги меҳнати ва жамоа тайёргарлигига қўшган ҳиссаси учун миннатдорчилик билдириб ўтилди. Ушбу футболчилар терма жамоага номзод сифатида мураббийларнинг доимий кузатувида бўлишади.