Ўзбекистон МТЖ. Сергеев тузалди, Ашурматов ва Алибоев етиб келди ГАЛЕРЕЯ
06 nov 2019 21:18
News

Ўзбекистон МТЖ. Сергеев тузалди, Ашурматов ва Алибоев етиб келди ГАЛЕРЕЯ

Вадим Абрамов бошчилигидаги Ўзбекистон миллий терма жамоасининг Тошкентдаги йиғини давом этмоқда.

Терма жамоамиз бугун ҳам "Жар" стадионининг захира майдонида шуғулланди. Бир кун олдин индивидуал тарзда шуғулланган Одил Аҳмедов умумий гуруҳга қайтди. Шамоллаб қолгани боис бир неча кун машғулотларда қатнаша олмаган кеча ва бугун Игорь Сергеев терма жамоа сафида тўлиқ куч билан шуғулланди.

Бугун чап қанот ҳимоячиси Фарруҳ Сайфиев якка тартибда машғулот ўтказди.

Кеча Тошкентга етиб келган икки нафар легионеримиз Икром Алибоев ва Рустам Ашурматов ҳам барча билан бирга машғулот ўтказишди. Йиғинга чақирилган 3 нафар легионер Элдор Шомуродов, Отабек Шукуров ва Темурхўжа Абдухолиқов яқин кунларда терма жамоа ихтиёрига етиб келишади.

6 ноябрь кунги машғулотдан суратларни сайтимизнинг махсус бўлими орқали томоша қилинг. >>>>> ФОТОГАЛЕРЕЯ

Фото: Толибжон Қосимов