Ўзбекистон Кубоги-2013: Финалдан олдинги матбуот анжумани 24 сентябрь куни бўлиб ўтади

25 сентябрь куни Тошкентдаги «Пахтакор» стадионида Ўзбекистон Кубоги - 2013 йилги мавсум финал учрашуви бўлиб ўтади. Бу мавсум финал баҳсида ҳудди ўтган мавсумдаги каби Қаршининг «Насаф» ҳамда Тошкентнинг «Бунёдкор» клублари ўзаро куч синашадилар.

Иккала жамоа бош мураббийлари иштирокидаги ўйинолди матбуот анжумани 24 сентябрь, сешанба куни ЎФФ матбуот анжумани залида ўтказилади. Соат 12:00да бошланадиган матбуот анжуманида дастлаб Тошкентнинг «Бунёдкор» клуби бош мураббийи Миржалол Қосимов ОАВ ҳодимларининг саволларига жавоб берса, матбуот анжуманининг иккинчи қисмида Қаршининг «Насаф» клуби бош мураббийи Рўзиқул Бердиев иштирок этади.

Эслатиб ўтамиз, ташланган қуръага кўра Қаршининг «Насаф» клуби Ўзбекистон Кубоги финалининг расмий мезбони сифатида қайд этилган бўлса, «Бунёдкор» жамоаси меҳмон жамоа сифатида қатнашади. Ўзбекистон Кубоги финал учрашуви 25 сентябрь куни Тошкентдаги «Пахтакор» стадионида бўлиб ўтади. Учрашувнинг бошланиш вақти 18:00га белгиланган.


Финалда ким ғолиб чиқади? Форумда муҳокама қилинг