Ўзбекистон ФИФА рейтингида бир поғона пастлади
12 mar 2015 14:25
News

Ўзбекистон ФИФА рейтингида бир поғона пастлади

ФИФА миллий терма жамоаларнинг февраль ойи учун рейтингини эълон қилди.

Унга кўра, Ўзбекистон миллий терма жамоаси ўтган ойдагидан бир поғона пастлаб 72-ўринда жойлашган. Айни пайтда Миржалол Қосимов шогирдлари 483 очкога эга. Терма жамоамиз Осиёда ҳамон олтинчи ўринда.

Осиё қитъасида Эрон биринчи ўринда (42-ўрин), Япония иккинчи (53), Ж.Корея эса учинчи ўринга тушди (56). Осиё чемпиони Австралия терма жамоаси 65-ўринда. БАА 69-поғонада.

Амалдаги Жаҳон чемпионлари Германия терма жамоаси умумий рўйхатда биринчи ўринда бормоқда. Ундан кейинги ўринларни Аргентина ва Колумбия терма жамоалари банд этишган. Умуман олганда кучли тўққизликда ҳеч қандай ўзгариш кузатилмаган.

Тўлиқ рейтинг билан ФИФА расмий сайтида танишиб олиш мумкин бўлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: