Ўзбекистон 20 декабрь куни Иордания билан ўйнайди
30 sep 2014 14:06
News

Ўзбекистон 20 декабрь куни Иордания билан ўйнайди

Миржалол Қосимов бош мураббийлигидаги Ўзбекистон миллий терма жамоаси декабрь ойида Иордания терма жамоаси билан ўртоқлик учрашувини ўтказади.

Мазкур ўйин 20 декабрь куни БААнинг Дубай шаҳрида бўлиб ўтади. Маълумот ўрнида, декабрь ойида миллий терма жамоа БААда ўқув-машғулот йиғинини ўтказади ва ушбу йиғин Миржалол Қосимов шогирдлари учун Осиё кубоги-2015 мусобақаси учун сўнгги тайёргарлик вазифасини ўтаб беради.

Режага кўра, Иордания терма жамоасига қарши ўйиндан ташқари миллий терма жамоа декабрь ойида шунингдек Кувайт (10 декабрь), Фаластин (13 декабрь) ва Ироқ (28 декабрь) терма жамоаларига қарши ўртоқлик ўйинларини ўтказади. Мазкур ўйинлар ҳам БААнинг Дубай шаҳрида ўтказилиши реажалаштирилган.

Link :

Source : the-uff.com

Receive latest football news directly on your phone. Subscribe for our Telegram channel!

Rating: