Latest news

10:56МЮ «Барселона» футболчисини дунёнинг энг кўп маош олувчи ҳимоячига айлантирмоқчи  1 10:25Криштиану Роналду АПЛ жамоаси билан бир ойлик шартнома имзолаши мумкин  4 09:53«Манчестер Сити» етакчиси жароҳат олди  0 09:20Файзуллаевнинг ўзи «Галатасарой»нинг қизиши ҳақидаги саволга жавоб берди  3 08:47Sofascore. Ҳусанов ва унинг шериклари «Борнмут»га қарши учрашувда қандай баҳо олишди?  17 08:15Терма жамоамизнинг яна бир етакчисига Туркиянинг ТОП клуби қизиқиш билдирмоқда  9 07:46ЦСКА Файзуллаевга Туркия клуби қизиққанига муносабат билдирди  11 07:20Англия кубоги. «Манчестер Сити»нинг ярим финалдаги рақиби маълум  6 01:45А Серия. Марказий ўйинда "Наполи" ўз уйида "Милан"ни мағлуб этди  0 00:21Унаи Эмери "Астон Вилла"да "Челси" ҳужумчисини кўрмоқчи  2 23:57Неймар "Ал Ҳилол" бош мураббийининг Бразилия миллий терма жамоасига бош мураббий этиб тайинланишига қарши чиқди  1 23:30РПЛ. "Зенит" "Рубин"га жавобсиз 4 та гол урди, Ашурматов захирадан ўйинга қўшилди  1 22:58А Серия. "Интер" ўз уйида "Удинезе"дан устун келди  1 22:25Англия кубоги. "Ман Сити" иродали тарзда "Борнмут"ни мағлуб этиб, ярим финалга йўл олди. Сариқ карточка олган Ҳусанов танаффусда захирага олинди  136 21:55"Манчестер Юнайтед" Бундеслиганинг юлдуз ҳужумчиси учун "Бавария" билан баҳслашади  1

Ўзбек футболи тимсоли бўлган Миржалол Қосимовга янгиерлик мухлисдан хат News

Ўзбек футболи тимсоли бўлган Миржалол Қосимовга янгиерлик мухлисдан хат

Мен журналист эмас, оддий футбол ишқибозиман.

Футболга меҳрим ва қизиқишим сабабли ўзбек футболини кузатиш учун доим вақт топишга интиламан. Ўзбек футболи деганда кўпчилик қатори мени кўз олдимга дарров Миржалол Қосимов номи келади. Бугун ўзбек футболининг ҳақиқий афсонаси, футболимизда 4-рақамни машҳурлаштириб, оммалаштирган Миржалол Қосимовнинг туғилган куни экан. Журналистлар Қосимовнинг фаолияти, эришган ютуқлари ва ҳоказо ҳақида кўп ёзишган ва ҳали яна кўп ёзишади, Инша Аллоҳ.

Хат ёзишимдан мақсад шуки, аввало мен ёзаётган хатни сайтда чоп этишни лозим топишса, унда фурсатдан фойдаланиб биринчи навбатда ўзбек футболи тимсолига айланган Миржалол Қосимовни таваллуд айёми билан табриклайман ва унга барча яхши тилакларимни билдираман.

Тўпни тепиб миллионлаб мухлисларни футболга меҳр қўйишига сабабчи бўлган, жарима зарбалари ва бурчак тўплари ижроси билан жаҳонга танилган ноёб истеъдод соҳибининг футболчилик фаолияти жуда ёрқин ўтган. Бу ҳақида ортиқча таъриф беришга ҳожат бўлмаса керак. Ҳозирги замоннинг ёш авлоди бу ҳақида интернет орқали танишиб чиқиши мумкин.

Мен ҳам табиийки Миржалол Қосимовнинг чин маънодаги мухлисига айланганман. Терма жамоа либоси, "Пахтакор" сафидаги ўйинлари ёки "Алания"даги фаолиятини жуда ёрқин хотиралар билан эслаймиз. Соғинамиз.

Футболчи Қосимов ҳақиқий жонкуяр, фидоий, меҳнаткаш ва туғма етакчи сифатида кўз олдимизда гавдаланади. Жуда ширин ва ёқимли ностальгия.

Ҳозир эса ўзбек футболи афсонаси тажрибали мураббий сифатида Олмалиқ жамоаси бошқарувида яхши ишламоқда. Футболчилик фаолиятида ўз номини, шахсиятини шу қадар юқори кўтарганки, мураббийлик даврида табиийки ундан янада кўпроғини, ортиғини кутамиз. Миржалол Қосимов терма жамоа бош мураббийи бўлганда бутун мухлислар тренер Қосимов билан мундиал орзусига ишонишди. Майли, ҳозир эски мавзуни очиш ниятим йўқ. Қосимовнинг терма жамоадаги фаолияти зўр бўлмаган бўлсада, ёмон ҳам эмасди. Футболимиз даражасидан бир бош баланд сакрашга жуда яқин келган Қосимовга барча айбни ағдариш ноўрин бўлади.

"Бунёдкор"нинг юлдузли онларида ҳам, қийинчилик даврида ҳам Миржалол Қосимов ажойиб фаолият юритди. Осиёда ҳеч ким ишонмаган маҳал Япония, Корея ва Хитой жамоалари билан тенгма-тенг ўйнаб, ОЧЛда финал остонасига қадар борган мураббий ҳам Миржалол Қосимов эканини унутмаймиз.

Мен шунчаки оддий мухлис сифатида Миржалол Қосимов мураббийлик фаолиятида ҳали яна катта ғалабаларга эришишига ишончим йўқолмаган. Унинг Олмалиқдаги фаолиятини кузатиб, жамоанинг ўйинларини қолдирмасликка ҳаракат қиламан. Адашмаётган бўлсам Қосимов Олмалиққа келганига 4 йил тўлди. Натижалар жуда зўр деб бўлмасада, барқарорлик, жамоанинг аввалги мавқеидан кўра яхшиланиш сезиларди. Лекин биласизми, бу натижалар Миржалол Қосимовдек ном учун жуда камлик қилади. Мен тренер Қосимов Олмалиқ жамоаси билан бўладими ёки бошқа клубми фарқи йўқ, чемпионлик учун курашишини, яна титулларни қўлга киритишини истайман. Бу фақатгина мураббийга боғлиқ масала эмаслигини тушунамиз. Футбол бу шунчаки ўйин эмас, балки илмий асосларга таянилаётган фанга айланганини бутун жаҳон футболи билимдонлари тан олган. Замонавий футбол йилдан-йилга ўзгариб, тезлашиб бормоқда. Жаҳоннинг энг кучли мураббийлари Гвардиола деймизми ёки Клоппми фарқи йўқ, миллиардлаб трансферлар орқали рақобатбардошликни сақлаб, юқорида барқарор туришибди. Катта пуллар ва зўр футболчиларсиз кучли мураббий сифатида пешқадамга айланишнинг имкони йўқ. Зўр, кучли мураббийларга уларни талабини бажаришга қодир бўлган энг яхши ижрочилар керак.

Вақт жуда тез ўтмоқда. Кечагина футболни тугатиб мураббийликни бошлаган Миржалол ҳозирда чемпионатимизнинг оқсоқол мутахасисларидан бирига айланган. Лекин бу дегани унинг мураббийликдаги энг ёрқин онлари ортда қолди дегани эмас.

Миржалол Қосимовга мухлислик мурожаатим шуки, биз тренер Қосимовдан чемпионлик ва энг асосийси Осиё майдонларида яна байроқдор жамоа тузишингизни ва катта натижалар орқали ўзбек футболи ишқибозларини хурсанд этишингизни истаймиз.

Мен кўпчилик номидан бемалол ёзаётганимнинг сабаби, Янгиерда Қосимовнинг ҳақиқий мухлислари жуда кўп. Ўзбекистонда эса улар миллионлаб эканлигига шубҳа йўқ.

Футболчилик фаолиятида 4-рақамни ўзиники қилган Миржалол, мураббийликда 1-рақамни яна қайтариб олиши керак...

Омад сенга, ўзбегим Миржалоли!


Янгиердан Жамол Мансуров



П.С. Биз билан телеграмда @caeshitadi ники орқали боғланиш ва фикрларингизни юборишингиз мумкин.

Rating: +15   

Comments

championat.asia
< show latest news
Яндекс.Метрика