Оуэн Харгривз Погбанинг асосий таркибда ўйнашини истайди
24 feb 2018 15:37
News

Оуэн Харгривз Погбанинг асосий таркибда ўйнашини истайди

"Манчестер Юнайтед"нинг собиқ футболчиси Оуэн Харгривз Поль Погбанинг жамоа асосий таркибига яна қайтишини истайди.

"Погба борасидаги можаролар тезроқ якунланиши керак. Тушунмайман, нима учун шундай бўлмоқда? Ахир у аъло даражадаги футболчи-ку.

Погба мавсумни ажойиб тарзда бошлади. "Тоттенхэм"га қарши учрашувда эса "Юнайтед"да катта муаммолар юзага келди.
Сўнгги 5 учрашувида у ўз даражасида ўйнай олмади.

"Ювентус"дагидек унга айни дамда кўпроқ имконият бериш керак.

Кўчадаги ҳар мухлис, мухбир Погбанинг ташқи ҳаётини, соч турмагини фаол танқид қилмоқда. Бироқ ундай қилиш керак эмас. Уни қўллаб-қувватлаш лозим", - деди Харгривз.