Ўткир Юсупов: “Нефтчи”ни қийин ўйинлар кутмоқда”
12 jun 2016 10:36
News

Ўткир Юсупов: “Нефтчи”ни қийин ўйинлар кутмоқда”

“Нефтчи” ҳамда “Қўқон-1912” (2:1) жамоалари ўртасидаги баҳсдан сўнг мезбонлар дарвозабони Ўткир Юсупов “Нефтчи” матбуот хизматига интервью берди.

- Дербида ғалаба қозонишимиз шарт эди ва вазифани муваффақиятли уддаладик. “Пахтакор” устидан қозонилган ғалаба туфайли бу баҳсга спортга хос жанговар кайфиятда етиб келгандик. Секин-аста қийин вазиятдан чиқиб кетяпмиз. Бироқ кейинги турлар ҳам оғир бўлади деб ўйлайман. “Бухоро” “Насаф” ва “Қизилқум”га қарши мураккаб учрашувлар кутиб турибди. Ушбу беллашувларга ҳам жиддий тайёрланиб, ғалаба қозонишга ҳаракат қиламиз, - деди “Нефтчи” дарвозабони Ўткир Юсупов.

Эслатиб ўтамиз, Фарғонанинг “Нефтчи” клуби кейинги уй баҳсини 21 июнь куни Қаршининг “Насаф” жамоасига қарши ўтказади. Ундан аввал фарғоналиклар “Бухоро” меҳмони бўлишади.

“Нефтчи” матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +7