Отабек Шукуров: "Ўз майдонимиздаги жавоб ўйинида хато қилишга ҳаққимиз йўқ"

"Ўйинни бошидан қандайдир ишончсиз бошладик. Иккинчи бўлимда бироз ўйинимиз яхшиланди. Вазиятлардан фойдалана олганимизда барчаси яхши бўларди", - дея ўз фикрларини бошлади "Бунёдкор" футболчиси.

- Ўйинга захирадан қўшилдингиз. Қай тарзда киришиб кета олдингиз?

- Баҳсга яхши кириша олдим деб ўйлайман. Барчаси жойида. Энди ўз майдонимиздаги ўйинда фақат ғалаба учун ўйнаймиз. Хато қилишга ҳаққимиз йўқ. Мақсадимиз - Ўзбекистон Кубогини қўлга киритиш.

- "Обод"дан мана шундай қаршилик кутганмидингиз?

- Албатта кутгандим. Буни барча футболчилар ва мураббийлар кутишганди. Чунки, биринчи лигадан чиққан жамоага қарши сафарда ўйнаш доим қийин бўлади. "Бухоро" ҳам "Обод"га қарши бўлган чемпионат ўйинида мана шундай қийинчиликка дуч келди.

- Терма жамоа йиғинида қатнашдингиз. Таассуротлар қандай?

- Терма жамоада барчаси аъло даражада. Муҳит, жамоадош акалар, мураббийлар штаби ҳам зўр. Филиппинга қарши ўйин ҳам қийин бўлди. Энди Баҳрайнга қарши ўйинда барчаси жойига тушади ва терма жамоамиз ўз мақсадига эришади деб ўйлайман.

Азиз Тўхтамуродов