Отабек Ғуломхўжаев: "Жамоада 14 футболчи қолган"

"Нима ҳам дердим, курашларга бой ўйин бўлди. Йигитлар максимал даражада ҳаракат қилишди, характер кўрсата олишди. 120 дақиқа ҳимояланиш қийин. Охирги дақиқаларда диққатни йўқотдик. Доимгидек стандарт вазиятдан гол ўтказиб юбордик, демак ишлашимиз керак. "Насаф" у қадар ҳавфли вазият яратгани йўқ.

"Нефтчи" билан ўйин мавсумдаги сўнгги ҳал қилувчи ҳисобланади. Йигитларни охирги жангга чиққандек тайёрлашга ҳаракат қиламиз. Учрашув санаси ва майдон ҳали аниқ эмас. Бугунги ўйин тарихда қолди. Бор эътиборимизни охирги баҳсга қаратамиз.

Ҳужумларимизда якун йўқ. Жамоани қабул қилиб олганимизда нафақат якун балки жуда кўп нарса йўқ эди. Максимал даражада ҳаракат қилмоқдамиз. Жамоада 14 киши бор. Охир оқибат Муҳаммадкарим билан Асилбекни таркибга қўйдим. Дониёр билан Бекмуродов тушаётганди. Лекин жароҳат олди. Агар захирамиз кенг ва вақтимиз кўп бўлганида бундай палапартишликлар бўлмасди. Мен ўзим истаётган ўйинни йўлга қўйиб олишга ҳаракат қилардим. Қисқа муддатда нимадир қилишга ҳаракат қилмоқдамиз. Усмоналини бели билан боғлиқ муаммоси бор. Бекмуродовни тўпиғи ишиб кетган. 14 кишидан 4 нафари жароҳат олган. Мажбуран иккитасини таркибга қўймоқдамиз. Ҳозир олдимдаги вазифа жамоани элитада олиб қолиш. "Нефтчи" билан ўйиндан сўнг қолган масалалар кўриб чиқилади",- дейди Отабек Ғуломхўжаев.