Ўсмирлар ўртасидаги Жаҳон чемпионатига чиққан барча жамоалар аниқланди

Европа қитъасидаги чемпионатнинг гуруҳ ўйинлари якунланди. Бунгача Кўҳна қитъадан ўсмирлар ўртасидаги мундиалга борадиган тўртта жамоа номи аниқ эди -  Словакия, Швеция, Россия ва Италия. Кечаги гуруҳ босқичи якунлангач қолган икки йўлланма ҳам ўз эгасини топди. Демак, Австрия ва Хорватия ўсмирлар терма жамоалари ҳам БААдаги мундиалда Европа қитъаси шарафини ҳимоя қилишади.   

Ўсмирлар ўртасидаги ЖЧ-2013да иштирок этадиган барча жамоалар:

Мезбон: БАА
Осиё: Ўзбекистон, Япония, Эрон, Ироқ.
Конкакаф: Мексика, Панама, Канада, Гондурас.
Африка: Кот д'Ивуар, Нигерия, Тунис, Марокаш.
Конмебол: Аргентина, Венесуэла, Бразилия, Уругвай.
Европа: Словакия, Швеция, Россия, Италия, Австрия, Хорватия.
Океания: Янги Зеландия.

Йўлланмага эга бўлган жамоалар орасида Ироқ, Марокаш, Венесуэла, Швеция ва Россия ўсмирлари биринчи бор ўсмирлар ўртасидаги (U17) жаҳон чемпионатида иштирок этишади.

Ўсмирлар ўртасидаги жаҳон чемпионатида 26 август куни Абу Дабида қуръа ташланади. Дилшод Нуралиев бошчилигидаги Ўзбекистон ўсмирлар терма жамоаси Осиё қитъаси чемпиони сифатида қуръа ташлаш жараёнида 1-саватчадан ўрин олишади.