Оскар: “Буюклар сафидан ўрин олишимиз мумкин”

Футболчининг фикрича, мезбонлар Жаҳон чемпионатида ғалаба қозониши шарт.

“Биз Жаҳон чемпионатида ғалаба қозонсак, буюклар сафидан ўрин олишимиз мумкин. Кўпчилик бизни чемпион сифатида эслаб қолишади.

Жаҳон чемпионлигини қўлга киритган футболчилардан Кака ва Роналдиньоларни айтиш мумкин. Улар сўнгги мундиалда ҳам иштирок этишлари мумкин эди, лекин бош мураббий бошқа қарорга келди. Бизнинг жамоада Жаҳон чемпионлари йўқ, лекин катта турнирларда иштирок этган футболчилар бор, масалан Жулио Сезар. Биз мақсадга эришиш учун қаттиқ ишлаяпмиз. Бизга бутун Бразилия мухлислик қилади, шунинг учун биз ғалаба қилишимиз шарт.

Балки бизда Жаҳон миқиёсидаги юлдузлар йўқдир, лекин биз бир жамоамиз ва ҳаммамиз биргаликда курашамиз”, - дейди Оскар.