Осиёдаги малакали мураббийлар Шанхайда йиғилишди

Бунда Осиё клубларида фаолият юритаётган бир қатор малакали мураббийлар иштирок этишди. Масалан, Пауло Соуза ("Тианжин Куанжиан"), Чой Канг Хи ("Чонбук Хюндай"), Бранко Иванкович ("Персеполис"), Уинфрид Шафер ("Истиқлол"), Витор Перейра ("Шанхай СИПГ") ва Ву Жингуи ("Шанхай Шенхуа") шулар жумласидан.

Қолаверса, Австралия ва Япониядан ҳам бир нечта мураббийлар қатнашишди. Хусусан Уэльсни 2016 йилги Европа чемпионати ярим финалига олиб чиққан ва ҳозирда Хитойнинг "Хебей Чайна" клубини бошқараётган Крис Коулмен сўзга чиқиб, Осиё футболи ҳақида бир қатор фикрларини билдирди.

ОФК техник директори Энди Роксбург йиғилишни олиб борар экан шундай деди: "Бундай тадбирлар қанча кўп бўлса шунча яхши. Чунки мураббийларнинг ўзаро фикр алмашиши Осиё футболининг ҳозирги ҳолати ҳақида янада кўпроқ маълумот беради. Биз учинчи маротаба ОФК элит мураббийлари конференциясини ташкил этаётганимиздан хурсандмиз".