Осиё Кубогига 200 кун қолди

Бугундан 3-тур баҳсларига старт берилади. Албатта, ЖЧ ўйинларини кузатар экансан, терма жамоамизнинг саралаш босқичида Жанубий Корея билан бир хил очко тўплаб ҳам мундиалга бора олмагани алам қилади. Лекин ҳеч қиси йўқ деймиз, чунки олдимизда келаси йилнинг бошида Австралияда бўлиб ўтадиган Осиё Кубоги турибди.

Биз шу мусобақада иштирок этамиз, шундай экан қитъа биринчилигига бўлган қизиқиш жаҳон чемпионатиникидан кам бўлмайди деб ўйлаймиз. Осиё чемпионати старт олишига бугундан бошлаб 200 кун қолди. Бу мусобақада терма жамоамиз олдига камида ярим финалга етиб бориш вазифаси қўйилиши турган гап.

Миржалол Қосимов жамоаси май ойида Уммонга қарши иккита ўртоқлик учрашуви ўтказди. Буёғига назорат баҳслари яна давом этади. Терма жамоамиз Осиё Кубогида “В” гуруҳида кураш олиб боради. Рақибларимиз: С.Арабистони, Шимолий Корея ва Хитой.