Осиё Кубогида ҳали бунақаси бўлмаган

Таиланд термасидан кетган Милован Райевацнинг кетида Бернд Штанге ҳам Сурия термасидан истеъфога чиқди. Осиё кубоклари тарихида дастлабки 5 кунда иккита истеъфо кузатилмаган экан.

Таиландликлар янги мураббий қўл остида ғалабага эришди, сурияликлар эса анчагина қийналади. Чунки ушбу терманинг кейинги ўйини Австралияга қарши ўтказилади. Кеча кечқурун жамоа лагеридан Штанге ва унинг ёрдамчилари ўртасида зиддият келиб чиққани борасида хабарлар тарқаган.

Демак, мураббийлар штаби ва футбол федерациясида профессионаллик ва якдиллик йўқ. Бу фақатгина бир термага тааллуқли эмас. Мисол учун Миодраг Радулович ҳам термадаги ўзгаришларни охиргилардан бўлиб билган. Ўзгаришлар эса бош мураббийсиз ҳал қилинган.

Агарда Радулович ҳам Осиё Кубогидан кейин Ливан термасини тарк этса, ҳеч ким ажабланмаса бўлади.