Осиё Кубоги. Финалдан олдинги рақамлар

Биласиз, бу жамоалар бир гуруҳда кураш олиб боришди ва ўзаро ўйиннинг биринчисида кореяликлар 1:0 ҳисобида зафар қучишди. Эртага бўлса, Австралия ўша мағлубият аламини олишга уриниб кўради. Қуйида финал баҳси олдидан рақамлар билан боғлиқ баъзи қизиқарли маълумотларни келтириб ўтамиз.

9. Австралия терма жамоасининг ўйинчилари 9 мамлакат клубларида тўп тепишади. Футболчилар орасида Бельгия, Англия, Германия, Ж.Корея, Голландия, Қатар, Россия, Туркия ва АҚШ миллий чемпионатларида фаолият олиб бораётган ўйинчилар бор.

7. Австралия термасининг етти нафар ўйинчиси ички чемпионат клубларида тўп тепишмоқда. Булар - Томи Юрич, Мэттью Спиранович ("Вестерн Сидней"), Евген Галекович ("Аделаида Юнайтед"), Мэтт Маккей ("Брисбен Роар"), Марк Миллиган ("Мельбурн Виктори"), Терри Антонис ("ФК Сидней") ва Натан Бёрнс ("Веллингтон Феникс").

4. Жанубий Корея таркибида тўрт нафардан футболчи Германия ва Қатарда ўйнашади. Ким Жин Су, Парк Жу Хо, Мон Хён Минг ва Ку Жа Чол Бундеслига клубларида фаолият олиб бораётган бўлса, Чо Ёнг Чол, Нам Те Хи, Ли Кюн Хо ва Хан Кук Ёнг Қатар клублари вакиллари ҳисобланади.

2. Австралиялик Массимо Луонго ҳозирча икки марта "Учрашувнинг энг яхши футболчиси" деб топилди. У Қувайт ва БАА билан кечган баҳсларда шу номга лойиқ кўрилди.

1. Эртага Осиё Кубоги финалида майдонга тушадиган футболчиларнинг деярли 100 фоизи Европа ёки Осиё клубларида тўп тепишади. Фақат биргина Тим Кейхилл бундан мустасно. Чунки у АҚШнинг "Нью Йорк Ред Булс" жамоаси шарафини ҳимоя қилмоқда.