Latest news

09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  10 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  7 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  34

Осиё Кубоги баҳсида илк маротаба аёл ҳакам ишлади. Ёсими Ямасита ҳақида нималарни билиш лозим? News

Осиё Кубоги баҳсида илк маротаба аёл ҳакам ишлади. Ёсими Ямасита ҳақида нималарни билиш лозим?

У Осиё Чемпионлар Лигаси, ҳаттоки, ЖЧ-2022 ўйинларида фаолият олиб борган!

Осиё Кубогида муҳим воқеа рўй берди — турнирда илк маротаба аёл ҳакам ишлади! 37 ёшли Ёсими Ямасита Австралия ва Ҳиндистон (Ўзбекистон терма жамоаси билан бир гуруҳдан жой олган жамоалар) учрашувини бошқарди.

Ямасита япониялик дастлабки профессионал аёл ҳакам ҳисобланади. У 2015 йил ФИФА реферисига айланди. Ўшандан бери узоқ йўлни босиб ўтди.

2022 йилнинг сентябрида Ёсими арбитр сифатида J1 лигасидаги илк ўйинини ўтказди. Бундан ташқари, у ЖЧ-2022'да ҳакамлик қилган олти нафар аёлдан бири эди — Ямасита турнирдаги тўртта ўйинда захира ҳаками этиб тайинланди.

Transfermarkt маълумотларига кўра, Ямасита эркаклар футболида жами 61 та беллашувда фаолият олиб борган. Жумладан, у Гана ва Индонезия, шунингдек, Франция ва Мексика ёшлар терма жамоалари ўртасидаги халқаро ўртоқлик учрашувларида ҳакамлик қилган. Ёсими J1 лигасида 12 та, Япония кубогида эса яна иккита ўйинга тайинланган расмийлар қаторидан ўрин олган. Бундан ташқари, Ямасита Осиё чемпионлар лигасининг иккита учрашувида ҳамда ОФК кубоги доирасидаги битта ўйинда ҳакамлик қилган.

Япониялик ҳакамга тегишли ноодатий баҳс ҳам мавжуд — у 2023 йилнинг март ойида Премьер-лига ёшлар биринчилиги доирасидаги "Блекберн" ва "Ливерпуль" ўртасидаги ўйинни бошқарган.

Албатта, Ямасита аёллар футболидаги ўйинларда ҳам ҳакамлик қилган. У аёллар ўртасидаги иккита жаҳон чемпионати ва иккита Осиё кубогида ишлаган ҳамда 2020 йилги Олимпия ўйинларининг аёллар футболи турниридаги беллашувларда ишлаган.

Шунингдек, Австралия ва Ҳиндистон терма жамоалари ўртасидаги тўқнашувда Ёсимига икки нафар қиз ҳакам — Макото Бозоно ва Наоми Тесироги ёрдам берганини ҳам таъкидлаш лозим.

Шубҳасиз, Ёсими Ямасита ва унинг ёрдамчилари Осиё Кубогининг яна бир нечта ўйинларида иштирок этишади.


Николай Егоричев тайёрлади.

Rating: -1   

Comments

championat.asia
< show latest news
Яндекс.Метрика