Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Осиё кубоги-2023. Ироқ ва Қатар иштирокидаги ўйинлар превьюси News

Осиё кубоги-2023. Ироқ ва Қатар иштирокидаги ўйинлар превьюси

Бугун Осиё кубоги 1/8 финал учрашувлари давом эттирилади.

Ироқ — Иордания

Ўзаро ўйинлар тарихи

Икки жамоа 1964 йилдан бери 46 маротаба ўзаро тўқнаш келган бўлиб, уларнинг 24 тасида Ироқ, 9 тасида Иордания ғалаба қозонган, 13 учрашувда дуранг қайд этилган. Тўплар нисбати: 70-46, Ироқ фойдасига.

Осиё кубогидаги натижалар

Ироқ турнирда 10 маротаба иштирок этган бўлиб, 2007 йилги мусобақада чемпионликка эришган. 

Иордания 5 маротаба қитъа биринчилигида қатнашган ва икки маротаба чорак финалга қадар етиб борган.

Турнирдаги иштирок

Ироқ "D" гуруҳида Япония, Индонезия ва Вьетнам билан куч синашиб, пешқадам сифатида плей-офф йўлланмасини қўлга киритди.

Иордания "E" гуруҳида Баҳрайн, Жанубий Корея ва Малайзия билан курашиб, 3-ўрин билан нимчорак финалга йўл олди.

Жамоалар қиймати

Нуфузли Transfermarkt портали Ироқ терма жамоасини 12.35 млн евро, Иордания терма жамоасини эса 13.65 млн еврога баҳолаган.

Ироқнинг энг қиммат футболчиси Данило Ал Саид (1.5 млн евро), Иорданияда эса Муса Ал Тамари (6 млн евро) ҳисобланади.


Мураббийлар фикри

Хесус Касас (Ироқ бош мураббийи): "Турнир аввалидаги руҳни ҳамон сақлаб турибмиз. Учта ўйиндан кейин ўзимизга бўлган ишончимиз ортди. Японияни мағлуб этганимиз ҳам ажойиб иш бўлди. Агар Осиё кубогида чемпион бўлишни истасак, янеа тўрт учрашувда ғалаба қозонишимиз даркор. Бу осон бўлмайди, чунки мусобақада кучли жамоалар йиғилган. Биз ҳам чемпионлик учун курашамиз. Бўлажак беллашув икки жамоа учун ҳам қийин ўтади. Биз бир хил ўйин услубига эгамиз. Иордания осон рақиб эмас. Футболда мукаммаллик муҳим, агар шундай ўйин намойиш этсак, ғалаба қозонишимиз мумкин. Футболда ҳамма нарса бўлиши мумкин".

Ҳусайн Аммута (Иордания бош мураббийи): "Ироққа қарши ўйинда бор кучимиз билан ҳаракат қиламиз. Рақиб таркибида кучли ўйинчилар бисёр. Бироқ биз ҳам яхши тайёргарлик кўрдик, йигитлар бор кучини сарф этишга тайёр. Ғалаба қозонишни истаган жамоа фақат ҳимояга этибор қаратмайди. Бизда моҳир ҳужумчилар бор ва биз Ироқни ҳайратда қолдирмоқчимиз. Мен ўз жамоамга ишонаман".

Фактлар

- Ироқ Иорданияга қарши сўнгги беш учрашувда мағлубиятга учрамаган (2 ғалаба, 3 дуранг). 

- Ироқ турнирда кетма-кет учта ўйинда ғалаба қозонди. 

- Иордания шу пайтга қадар плей-офф босқичининг барчасида мағлубиятга учради.

- Айман Ҳусайн турнирда 5 та гол урган ҳолда тўпурарлар рўйхатида пешқадамлик қилмоқда.

Имкониятлар(%): 40-30-30

Қатар — Фаластин

Ўзаро ўйинлар тарихи

Икки жамоа ўзаро 9 маротаба тўқнаш келган бўлиб, уларнинг 7 тасида Қатар ғалаба қозонган, яна 2 учрашувда дуранг қайд этилган. Тўплар нисбати: 12-4, Қатар фойдасига.

Осиё кубогидаги натижалар

Қатар 10 маротаба турнирда иштирок этиб, сўнггисида кубокни боши узра юқори кўтарган. 

Фаластин 2 марта мусобақада қатнашиб, гуруҳ босқичида иштирокини якунлаган.

Турнирдаги иштирок

Мезбон Қатар "A" гуруҳида Тожикистон, Хитой ва Ливанни мағлуб этиб, пешқадам сифатида 1/8 финал йўлланмасини қўлга киритди.

Фаластин "C" гуруҳида Эрон, БАА ва Гонгконг билан рақобатлашиб, 3-ўрин билан кифояланди.

Жамоалар қиймати

Нуфузли Transfermarkt портали Қатар терма жамоасини 15.9 млн евро, Фаластин терма жамоасини эса 6.68 млн еврога баҳолаган.

Қатарнинг энг қиммат футболчиси Акром Афиф (4.5 млн евро), Фаластинда Одай Даббаг (1.5 млн евро) ҳисобланади.


Мураббийлар фикри

Маркес Лопес (Қатар бош мураббийи): "Футболда осон ўйинлар бўлмайди, айниқса, бу даражадаги мусобақаларда... Биз ҳар бир ўйинда рақобатлашаяпмиз. Умуман олганда, гуруҳ босқичида яхши ўйин намойиш этдик ва барчага ўйин амалиёти тақдим этишга ҳаракат қилдик. Мен ҳужумкор футболни яхши кўраман, лекин ҳар доим ҳужум ва ҳимоя ўртасидаги мувозанатни топишимиз керак. Футболчиларимиз кўрсатмаларни тўғри бажараётгани туфайли ҳали дарвозамиздан гол ўтказиб юбормадик. Фаластин жасорат билан ўйнайдиган жамоа саналади. Уларнинг кучли томонларини биламиз ва бор кучимиз билан курашамиз. Биз уларни ҳурмат қиламиз, лекин натижага эришиш учун бор имкониятимизни ишга соламиз. Мен футболчиларга 100 эмас, 200 фоиз ишонаман. Қийин ўйин бўлади, лекин кейинги босқичга йўл олишни истаймиз".

Макрам Дабуб (Фаластин бош мураббийи): "Нимчорак финалда иштирок этаётганимиз муҳим аҳамиятга эга эди ва бу босқичда ҳар қандай рақибга қарши тўқнаш келишга тайёр эдик. Қатар мезбон, шу боис мухлислари қаршисида ўйнайди, бу ҳам уларга қўшимча босим юклайди. Биз эса турнирдаги асосий мақсадимизга эришдик, шунинг учун босимсиз ўйнаймиз. Имкон борича ўйин намойиш этамиз, футболда ҳамма нарса бўлиши мумкин".

Фактлар

- Икки жамоа Осиё кубогида илк маротаба тўқнаш келади. Қатар ўзаро сўнгги 5 ўйинда дарвозасидан тўп ўтказиб юбормаган.

- Қатар Осиё кубогидаги сўнгги 10 та ўйинда ғалаба қозонди, бу турнир тарихидаги иккинчи энг узун серия (Эрон 1968 йилдан 1976 йилга қадар кетма-кет 13 ғалабага эришган) ҳисобланади.

- Фаластин гуруҳ босқичидаги барча ўйинларда камида битта гол урди.

- Фаластинлик Мусъаб Ал Баттат гуруҳда барча ўйинчиларга қараганда кўпроқ кросс (20) амалга оширди.

Имкониятлар(%): 45-30-25

Rating: +3   

Comments

championat.asia
< show latest news
Яндекс.Метрика