Осиё Кубоги-2019. "D" гуруҳи мураббийлари

Қуйида "D" гуруҳи жамоаларини бошқараётган мураббийлар ҳақида қисқача маълумот келтириб ўтамиз.

"D" гуруҳи - Эрон, Ироқ, Вьетнам, Яман.

Карлуш Кейруш (Эрон бош мураббийи)
Туғилган санаси: 1 март, 1953 й.

Эрон терма жамоасини 2011 йилдан бери Карлуш Кейруш бошқариб келмоқда. 65 ёшли португалиялик мутахассис миллий терма жамоа билан 1976 йилги воқеани такрорлашга уриниб кўради. Ўшанда Эрон Осиё чемпиони бўлган.

Сречко Катанец (Ироқ бош мураббийи)
Туғилган санаси: 16 июль, 1963 й.

Катта тажрибага эга Сречко Катанец Ироқ терма жамоасига устозлик қиляпти. 55 ёшли словениялик мураббий шу йилнинг сентябрь ойида бош мураббий этиб тайинланди. У ўз ватани терма жамоаси билан ЖЧ-2002да қатнашган.

Парк Санг Хео (Вьетнам бош мураббийи)
Туғилган санаси: 5 март, 1959 й.

Вьетнам терма жамоаси бош мураббийи жанубий кореялик Парк Санг Хео ҳисобланади. Бу мураббий шу йил қишда Вьетнам олимпия терма жамоаси билан U-23 Осиё чемпионатида финалга қадар етиб борди. Эндиликда миллий терма жамоа билан Осиё Кубогида иштирок этади.

Ян Косиан (Яман бош мураббийи)
Туғилган санаси: 13 март, 1958 й.

Бир ой олдин Яман терма жамоаси бош мураббийи этиб Ян Косиан тайинланди. 60 ёшга тўлган словакиялик мураббий Осиё Кубоги дебютантларидан бирини мусобақада бошқаради.