Осиё Кубоги-2019. Австралияга Аарон Муй керак

Маълумки, Австралия Осиё чемпионатининг амалдаги ғолиби ҳисобланади. Терма жамоанинг асосий футболчиси Аарон Муй ўтган ҳафта жароҳат олди. Ушбу ярим ҳимоячи Англиянинг "Хаддерсфильд" клуби вакили ҳисобланади ҳамда "Арсенал" билан кечган баҳсда ўнг тиззасини шикастлаб олди.

Шундан сўнг унинг февраль ойига қадар майдонга туша олмаслиги ҳақида гаплар тарқалди. Бунга эса Австралия терма жамоаси устози Грехэм Арнольд ўз муносабатини билдирди.

"Биз шу заҳоти "Хаддерсфильд" билан боғландик. Улардан футболчимизнинг ҳолати ҳақида сўрадик. Биз Осиё Кубогидек муҳим мусобақа олдидан асосий етакчимизни йўқотишни хоҳламаймиз ва Аарон жароҳатидан тузалиб сафга қайтиши учун бор имкониятни ишга соламиз. Лекин энг муҳим нарса бу соғлик, шундай экан ҳозирча кутишга мажбурмиз. 21 декабрь куни футболчи тиббий кўрикдан ўтади. Шундан сўнг ҳаммаси аниқ бўлади", - дейди "соккерузлар" бош мураббийи.