Осиё Кубоги-2019. Австралия ўз гуруҳида биринчи бўла олмайди

Бугун "B" гуруҳидан ўрин олган Иордания - Сурия учрашуви бўлиб ўтди. Унда Иордания 2:0 ҳисобида ғалаба қозонди. Шу тариқа, Витал Боркелманс шогирдлари муддатдан аввал кейинги босқич йўлланмасига эга чиқишди.

Ушбу гуруҳда иккинчи ўринни олган жамоа Ўзбекистон жойлашган гуруҳда иккинчи ўринни олган жамоа билан тўқнаш келади.

Австралия навбатдаги икки учрашувда ғалаба қозонса ҳам Иорданиядан тепада бўлмайди. Яъни "соккеруз"лар максимум 2-ўринни қўлга киритишлари мумкин. Катта эҳтимол билан шундай ҳам бўлади.

Эртага Дубай шаҳридаги "Рашид" стадионида Фаластин - Австралия учрашуви бўлиб ўтади. Мазкур ўйинни ўзбекистонлик Валентин Коваленко бошчилигидаги ҳакамлар бригадаси бошқариб боради.