Осиё Кубоги-2015. Ал Шамрони мусобақани ўтказиб юборади
10 jan 2015 09:37
News

Осиё Кубоги-2015. Ал Шамрони мусобақани ўтказиб юборади

Саудия Арабистони миллий терма жамоаси ҳужумчиси Носир Ал Шамрони жароҳат олиб узоқ вақтга сафдан чиқди.

Натижада у Осиё Кубогини тўлиқ ўтказиб юборадиган бўлди. Яхши биласиз, С.Арабистони биз билан бир гуруҳда жой олган ва улар бугун илк учрашувни Хитойга қарши ўтказишади. Саудиянинг ўйини терма жамоамиз иштирокидаги беллашув якунига етганидан сўнг бошланади.

Маълумки, Носир Ал Шамрони ўтган мавсум якуунларига кўра "Осиёнинг энг яхши футболчиси" номини қўлга киритди. Саудияликлар бош мураббийи Космин Олариу аввалига ҳужумчининг жароҳати жиддий эмаслиги ҳақида гапирганди, бироқ кейинчалик унинг жароҳати барибир оғир бўлиб чиқди. Эслатиб ўтамиз, Носир Ал Шамрони мусобақа бошланишидан олдин Ж.Корея билан кечган ўртоқлик учрашувида жароҳат олганди.

Link :

Source : championat.asia

Receive latest football news directly on your phone. Subscribe for our Telegram channel!

Rating: