Осиё Кубоги-1984. Саудия Арабистонининг илк соврини

1984 йилги қитъа чемпионати Сингапурда бўлиб ўтган. Бу мусобақада ҳам ўтган сафаргидек 10та жамоа иштирок этди, 5тадан жамоа икки гуруҳга бўлинган ҳолда чемпионлик учун кураш олиб боришди. Саккизинчи Осиё Кубогида Сингапур, Қувайт, Хитой, Ҳиндистон, Эрон, Қатар, Жанубий Корея, Саудия Арабистони, Сурия ва БАА терма жамоалари қатнашишди. Декабрда ташкил этилган мусобақа Калланг шаҳаридаги “Миллий” стадионида бўлиб ўтди.

Финалда Саудия Арабистони терма жамоаси Хитой билан тўқнаш келди. Ҳал қилувчи баҳсда араблар 2:0 ҳисобида ғалаба қозониб илк бор қитъада чемпион бўлишган. Эътиборлиси Саудия Арабистони айнан мана шу Осиё Кубогида дебют қилган ва якунда чемпион бўлганди.

Осиё Кубоги-1984
Мезбон мамлакат: Сингапур

Муддати: 1 – 16 декабрь

Жамоалар сони: 10та

Мезбон шаҳар: 1та

Мусобақа статистикаси:
Ўйинлар сони: 24та

Голлар сони: 44та (ўртача 1,83тадан)

Тўпурарлар: Жиа Ксиукуан (Хитой), Шохрух Баяни (Эрон), Носир Муҳаммадхани - 3тадан гол

Энг яхши футболчи: Жиа Ксиукуан (Хитой)

Энг яхши дарвозабон: Абдуллоҳ Ал Деайя (Саудия Арабистони)

“Фэйр плей” соврини: Хитой

Ярим финаллар

13 декабрь

Саудия Арабистони – Эрон 1:1 (пенальтилар серияси 5:4)
Голлар: Шаҳин Баяни 88 автогол – Шохрух Баяни 43

14 декабрь

Хитой – Қувайт 1:0
Голлар: Ли Хуаюн 108

3-ўрин учун ўйин

16 декабрь

Эрон – Қувайт 1:1 (пенальтилар серияси 3:5)
Голлар: Муҳаммадхани 80 – Ал Ҳаддад 26

ФИНАЛ

16 декабрь

Саудия Арабистони – Хитой 2:0
Сингапур. “Миллий” стадион. 26 000 томошабин
Ҳакам: Шизиуо Такада (Япония)

Голлар: Ал Нафисаҳ 10, Абдуллоҳ 56

Нарзулла Сайдуллаев тайёрлади