Latest news

10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  3 09:55Жоау Феликснинг "Ал Насср"даги маоши маълум  1 09:28"Пахтакор" ҳимоячиси фаолиятини "Динамо" ёки "Сўғдиёна"да давом эттириши мумкин  3 09:01Абдуқодир Ҳусанов янги мавсумга тайёргарлик кўриш учун "Манчестер Сити" ихтиёрига қайтди  4 08:34"Сурхон" ва "Андижон" ўзаро футболчи алишишди. Шунингдек, "бургутлар" "шерлар"дан футболчи ижарага олади  1 08:05"Шўртан" яна бир собиқ "Олимпик" футболчиси билан шартнома имзолади  1 07:39Ўзбекистон МТЖ аъзоси "Пахтакор" билан шартнома имзолади  8 00:48Виктор Гёкерешни яхшигина пулга сотган "Спортинг" 25 млн. еврога Луис Суаресни сотиб олди  4 00:27Равшан Эрматов: "Ўртоқлик ўйинлари ҳақида бир тўхтамга келганимиздан сўнг хабар берамиз"  12 00:10Уче Бриансео Нвадике: "Осиё кубоги саралаш босқичида нималарга қодир эканлигимизни кўрсатамиз"  0 23:44Мираброр Усмонов Кубоги-2025. Индивидуал совринлар кимларга насиб этди?  1 23:26Тимур Кападзе: "Аргентина ва Уругвай билан ўйин... Бу маълумот ҳақиқатга яқин"  22 23:00"Бавария" Риберининг учинчи ўринбосари учун 75 млн евро сарфлади. Бу сафар натижа қандай бўларкин?  6 22:53Тер Стеген ва "Барселона" ўртасидаги муносабатлар таранглашганми?  1

Осиё Кубоги-1956. Дастлабки мусобақада Жанубий Корея ғолиб News

Осиё Кубоги-1956. Дастлабки мусобақада Жанубий Корея ғолиб

Хабарингиз бор, 2019 йилнинг 5 январида Бирлашган Араб Амирликларида ҳисоб бўйича XVII Осиё Кубоги старт олади.

Шу муносабат билан ўқувчиларимизга олдинги 16та қитъа чемпионати ҳақида маълумотлар бериб боришга қарор қилдик. Дастлабки мақоламиз 1956 йил Гонконг мезбонлик қилган тарихдаги илк Осиё Кубоги ҳақида бўлади.

Бундан 62 йил муқаддам Гонконгда сентябрь ойининг дастлабки 15 кунлигида бўлиб ўтган мусобақада атига 4та терма жамоа иштирок этган холос. Мезбон бўлгани учун Гонконг саралашдан озод этилган. Марказий, Шарқий ва Ғарбий минтақа саралашида биттадан жамоа финалга чиққан.

Марказий минтақа саралаши финалида Жанубий Вьетнам Индонезия билан ўйнаши керак бўлган. Бироқ Индонезия мазкур ўйинда қатнашмаган ва Жанубий Вьетнам Осиё Кубогига йўлланмани қўлга киритган.

Шарқий минтақа саралашида Жанубий Корея дастлаб Филиппинни (уйда ва сафарда) умумий 5:0 ҳисобида мағлуб этган. Финалда Хитой иккала баҳсда ҳам (2:0, 2:1) таслим қилинган ҳамда Корея Осиё Кубогига чиққан эди.

Ғарбий минтақа саралашида ўша пайтда Осиёда ўйнаган Исроил терма жамоаси ғолиб бўлган. Қизиқарли томони Исроил Покистонни ҳам, Афғонистонни ҳам майдонга тушмасдан "мағлуб этган" ва финал босқичига чиққан.

Осиё Кубоги финал босқичида 4та жамоа битта гуруҳда кубок учун кураш олиб боришган. Қитъа чемпионатининг барча ўйинлари Гонконг шаҳридаги 28000 томошабинга мўлжалланган "Ҳукумат" стадионида ўтказилган.

Корейслар дастлаб мезбон Гонконг билан қизиқарли ўтган баҳсда 2:2 ҳисоби қайд этишган. Иккинчи ўйинда Наум Стелмаҳ етакчилигидаги Исроил терма жамоаси 2:1 ҳисобида мағлуб этилган. Мусобақа давомида 4та гол урган Стелмаҳ дастлабки Осиё Кубогининг тўпурари бўлиб тарихда қолган.

Ниҳоят сўнгги турда Жанубий Вьетнам била баҳсда 5:3 ҳисобидаги ғалаба Жанубий Кореяни биринчи Осиё Кубогидаги биринчи чемпионга айлантирган.



Осиё Кубоги-1956
Мезбон мамлакат:
Гонконг
Муддати: 1-15 сентябрь
Жамоалар сони: 4та
Мезбон шаҳар: 1та

Мусобақа статистикаси
Ўйинлар сони
: 6та
Голлар сони: 27та (ўртача 4,5тадан)
Томошабинлар сони: 136000 (ўртача 22667)
Тўпурар: Наум Стелмаҳ (Исроил) - 4та гол



Осиё Кубоги-1956 барча ўйинлар
1 сентябрь
Гонконг – Исроил 2:3
Голлар:
Ау Чи Йин 12, 66 – Глейзер 37,76, Стелмаҳ 69

6 сентябрь
Жанубий Корея – Гонконг 2:2
Голлар: 
Ким Жи Сунг 45, Чои Кванг Сеок 62 – Танг Йе Кит 10, Ко По Кеунг 39

8 сентябрь
Исроил – Жанубий Корея 1:2
Голлар: 
Стелмаҳ 71 – Ву Санг Квон 52, Сунг Нак Вун 64

9 сентябрь
Шарқий Вьетнам – Гонконг 2:2
Голлар
: Тран Ван Тонг 30, Лу Ху Дук 64 – Чу Винг Вах 59 пен, Лау Чи Лам 79

12 сентябрь
Исроил – Шарқий Вьетнам 2:1
Голлар: 
Стелмаҳ 14, 27 – Тран Ван Тонг 58

15 сентябрь
Жанубий Корея – Шарқий Вьетнам 5:3
Голлар: 
Сунг Нак Вун 5, Ву Санг Квон 41 пен, 58, Чои Чунг Мин 57, 66 – Траи Ван Дао 20, Лу Ху Дук 51, 63.


Осиё Кубоги-1956

Ў

Ю

Д

М

Т-Н

О*

1

Жанубий Корея

3

2

1

0

9-6

5

2

Исроил

3

2

0

1

6-5

4

3

Гонконг

3

0

2

1

6-7

2

4

Шарқий Вьетнам

3

0

1

2

6-9

1


* - ўша пайтларда ғалаба учун 2 очкодан берилган.


Осиё Кубоги-1956 чемпион таркиб
Дарвозабонлар

Хам Хеунг Чул
Парк Санг Хун

Ҳимоячилар
Ча Тэ Сунг
Парк Жэ Сеунг
Сок Жин Ду
Сон Мюнг Суб

Ярим ҳимоячилар

Ким Донг Геун
Ким Хонг Бок
Ким Жин Ву
Ким Жи Сунг
Ли Су Нам

Ҳужумчилар
Сунг Нак Вун
Чои Кванг Сеок
Чои Чунг Мин
Парк Кюнг Хо
Ким Йонг Жин
Ву Санг Квон
Бош мураббий: Ли Ю Хюнг



Нарзулла Сайдуллаев тайёрлади

Rating: +9   

Comments

championat.asia
< show latest news
Яндекс.Метрика