Ўртоқлик учрашуви. "Нурафшон" - "Динамо" 0:3

“Нурафшон” жамоаси майдонида ўтган учрашувнинг дастлабки бўлими ҳам ҳар қанча ҳужумкор ўтмасин, танаффусгача ҳисоб очилмади. Иккинчи бўлимда эса захирадан майдонга тушган Санжар Баратов 53-дақиқада ҳисобни очишга эришди, 0:1.

Голдан руҳланган “динамочилар” ҳужумкорликни туширишмади ва 69-дақиқада Жасур Азимов жарима майдонига ёриб кириб, рақиб дарвозабонини доғда қолдирди, 0:2.

Орадан беш дақиқа ўтар-ўтмас натижа йирик кўриниш олди. Бу сафар Отабек Нарзуллаев ҳужумга ўтиб, ажойиб голи эвазига ҳисобни 0:3 кўринишига келтирди.

Шу куни “Нурафшон” сафида собиқ “динамочилар” Фаррух Шотурсунов ва Руслан Вагаповлар ҳам майдонга тушишди.

“Динамо” яна уч кун давомида Тошкентда сўнгги тайёргарликларни ўтказиб, 4 август куни Ҳаққулободда “Норин” жамоасига қарши Про-Лига тур баҳсида майдонга тушади.

Ўртоқлик учрашуви. Тошкент
31 июль (сешанба)
«НУРАФШОН» - «ДИНАМО» - 0:3
Голлар: Санжар Баратов 53, Жасур Азимов 69, Отабек Нарзуллаев 73.
«Динамо»: Шоҳруҳ Эшбўтаев, Акмал Холмуродов, Виктор Григорьев, Аваз Агалиев, Отабек Нарзуллаев, Жасур Азимов, Дамир Темиров, Илҳом Юнусов, Суҳроб Иззатов, Аббос Жумақулов, Павел Пуришкин.
Захирадан майдонга тушганлар: Шоҳруҳ Раимов, Комил Шарофутдинов, Фирдавс Абдусалимов, Шерзод Жалилов, Ҳакимхон Аъламхонов, Далер Алмосжонов, Санжар Баратов.