Ўртоқлик учрашуви. Ироқ ОТЖ - КХДР ОТЖ 3:1
04 jan 2016 12:05
News

Ўртоқлик учрашуви. Ироқ ОТЖ - КХДР ОТЖ 3:1

Ўзбекистон олимпия терма жамоасининг U23 Осиё чемпионатидаги гуруҳдоши Ироқ ОТЖ куни кеча навбатдаги ўртоқлик учрашувини ўтказди.

2 январь куни Дубай шаҳрида бўлиб ўтган баҳсда Ироқ олимпиячилари КХДР устидан 3:1 ҳисобида устун келишди. 29 декабрь куни Ироқ Хитой билан ўртоқлик учрашуви ўтказиб 1:0 ҳисобида зафар қучганди.

Энди ироқликлар 6 январда Саудия Арабистони билан ўйнашади.

Эслатиб ўтамиз, Ўзбекистон олимпия терма жамоаси 12 – 30 январь кунлари Қатарда бўлиб ўтадиган Осиё чемпионатида иштирок этади. Турнирнинг гуруҳ босқичида Ўзбекистонга Ироқдан ташқари Жанубий Корея ва Яман олимпия терма жамоалари рақиб бўлади.

Ироқ ва Ўзбекистон ўртасидаги ўйин 16 январь куни бўлиб ўтади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3