Ориф Маматказин: “Тайёр ғалабани қўлдан чиқариш аламли"

- Биринчи бўлимда ташаббусга эга бўлдик. Бир неча маротаба хавфли вазиятларни содир этдик. Гол ҳам урдик. Бироқ иккинчи бўлимда ўйин тизгинини қўлдан чиқардик. Аммо бу футбол – дея гап бошлади Ориф Исмоилович.

- Жарима майдонимизга кўпроқ юқоридан тўп узатилди ва бу курашларда рақибга имкон бердик. Бизга тажрибали Раҳим Қодиров етишмади. Унда жароҳат бор эди. Йигитлар майдонда жонбозлик кўрсатишга ҳаракат қилишди. Футболда кимдир ютади, кимдир мағлуб бўлади.

- Албатта, 1:0 ҳисобида ғалаба қозона туриб, сўнгги дақиқада учта тўп ўтказиб юбориб, мағлуб бўлиш алам қилади. Ҳисоб 1:2 бўлиб турган пайтда вазиятни ўзгартириш имкони бор эди. Ражабовнинг зарбасидан кейин тўп дарвоза чизиғи ичидан қайтарилганга ўхшади. Эҳтимол ўша вазиятда гол бўлгандир, буни ҳакам хал қилади.

- Айни пайтда “Нефтчи” биздан кучлироқ эканлигини кўрсата олди. Шу ўринда бизни қўллаб-қувватлаб турган мухлисларга раҳмат айтамиз. Афсуски, уларга бугун ғалаба тақдим эта олмадик. Нима ҳам қилардик, ҳаёт тўхтаб қолмайди ва ишлашда давом этамиз – дейди Маматказин.