"Оқ-тепа": “Хоразм” ҳам мағлубиятга учратилди

Биринчи лига вакили “Хоразм”га қарши ўйинда жамоа аралаш таркиб билан ҳаракат қилди. Кеча асосий футболчилар “Спартак”ка қарши ўйнагани боис, бугун асосан кеча майдонга тушмаган ўйинчилар тўп сурди. Ҳисоб меҳмонлар томонидан очилди. Тажрибали Марат Ҳошимов 6-дақиқада 35 метрлардан белгиланган жарима тўпини дарвозага жойлаган бўлса, орадан тўрт дақиқа ўтиб энди Зафаржон Қорақулов ундан-да, чиройли гол билан ҳисобни тенглаштирди. Ярим ҳимоячи худди шунча масофадан дарвоза тўққизлигини нишонга олди.

Танаффусдан сўнг таркибда бир қатор ўзгаришлар амалга оширилди. Сўнгги дақиқаларда тажрибали ярим ҳимоячи Собир Усмонхўжаев жамоамизга ғалаба келтирган гол муаллифига айланиб, учрашувга нуқта қўйди.

Назорат учрашуви
ОҚ-ТЕПА – ХОРАЗМ – 2:1 (1:1)
24 март. Тошкент. “Оқ-тепа” стадиони.
Бош ҳакам: Дилшод Каримов.
Қанот ҳакамлари: Баҳодир Баҳрамов, Дониёр Сайловов.
“Оқ-тепа”: Баҳодир Мирсоатов, Собир Усмонхўжаев, Жўрабек Собиров (Иброҳим Нўъмонов), Абдужалил Ҳасанов, Берумий Абдунабиев (Константин Петров), Жалолиддин Саидов, Иззатилла Абдуллаев (Сардор Соибов), Маъруф Аҳмаджонов (Владислав Павловский), Зафаржон Қорақулов (Суҳроб Саримсоқов), Муҳаммадали Файзуллаев, Азиз Файзиев (Абдумавлон Турсунов).
Голлар: Марат Ҳошимов, 6 – 0:1. Зафаржон Қорақулов, 10 – 1:1. Собир Усмонхўжаев, 87 – 2:1.