"Оқ-тепа": Нигерияликларга қарши ўйинда дуранг

Рақиб Нигерия миллий чемпионатининг 1-лигасида иштирок этадиган “Марк Старз” клуби бўлди. Айтиб ўтиш лозим, мазкур ном остида Грузия чемпионатида ҳам бир жамоа қатнашади.

Бош мураббий Александр Токов мазкур учрашувда асосан кўрикдан ўтаётган футболчиларни синовдан ўтказди. Шу боис, беллашувда мураббийлар штаби учун натижа эмас, ўйинчиларнинг ҳолатини кўздан кечириш биринчи ўринга чиқди. Аксинча, футболчилар ўзларини кўрсатиш учун бор имкониятларини ишга солишди. Ҳисоб 26-дақиқада жамоамиз томонидан очилди. Хуршид Йўлдошев жарима майдонига кирар-кирмай, ажойиб зарбаси билан дарвозабонни ожиз қолдирди. Аммо ҳисоб биринчи бўлимнинг ўзидаёқ тенглашди. 42-дақиқада ҳимоячиларимизнинг хатосидан кейин негериялик футболчилар ўртадаги мувозанатни тиклади. Бу ҳисоб ўйин охирига қадар ўзгармади. Мураббийлар учрашув сўнггига қадар таркибни тўлалигича янгилади. Ушбу ўзгаришлар ҳам ўйиннинг темпига ўз таъсирини ўтказмай қолмади.

Назорат учрашуви
“ОҚ-ТЕПА” – “МАРК СТАРЗ” (Нигерия) – 1:1 (1:1)
18 январь. Тошкент. “Оқ-тепа” стадиони.
Бош ҳакам: Олим Толибжонов.
Қанот ҳакамлари: Андрей Снетков, Андрей Цапенко.
“Оқ-тепа”: Виктор Мочалов, Жасур Йўлдошев, Азиз Талхатов, Асилжон Мансуров, Нодир Тешабоев, Хуршид Йўлдошев, Аббос Абдуллаев, Илҳом Ражабов, Сарвар Исмоилов, Алексей Локтионов, Ислом Абдукаримов.
Захирадан тушганлар: Шоҳруҳ Пирназаров, Ислом Йўлдошев, Абдумавлон Турсунов, Мурод Ахатов.
Гол: Хуршид Йўлдошев.