"Оқ-тепа". "Наврўз Кубоги" ҳам бизда!

Февраль ойида "Федерация Кубоги"ни ўзиники қилган Ярослав Крушелницкий шогирдлари бугун "Наврўз Кубоги"ни ҳам қўлга киритди. Финалга қадар рақибларини йирик ҳисобларда мағлубиятга учратган "Оқ-тепа" ҳал қилувчи баҳсда ҳам ўз анъанасига содиқ қолди. Бугун бўлиб ўтган финал "Бунёдкор" академиясининг сунъий қопламали майдонида ташкил қилинди. Рақиб мезбонлар - "Бунёдкор" тарбияланувчиларидан ташкил топган жамоа бўлди. Бобур Зуҳриддинов ва Дониёр Усмонов мураббийлигидаги ёш "қалдирғочлар" илк дақиқалардаёқ ўз дарвозасидан тўп олиб чиқди. Натижада бу футболчиларнинг руҳиятига салбий таъсир қилдими, биринчи бўлимнинг ўзидаёқ ҳисоб 0:4 кўринишини олиб улгурди. Танаффусдан кейин майдон эгалари ҳарчанд уринишмасин вазиятни ўнглай олишмади. Шу тариқа "Наврўз Кубоги" ҳам "Оқ-тепа"га насиб қилди.

"НАВРЎЗ КУБОГИ - 2017"

БУНЁДКОР - ОҚ-ТЕПА - 0:4 (0:4)

17 апрель. "Бунёдкор-академияси" майдони.

Бош ҳакам: Акобир Шукуруллаев.

"Оқ-тепа": Рустам Дадабоев (Михаил Каплан), Шаҳбоз Тожиев, Фирдавс Кенжаев, Исломжон Ортиқов, Олмос Файзиев, Исломжон Йўлдошев (Зикрилло Омонов), Шоҳруҳ Гулмуродов (Абдуллоҳ Зикриллаев), Иззатилла Тўлқинов (Карен Абрамов), Ирисдавлат Ҳакимов, Абдулазиз Ашрафхонов (Темур Ҳакимов), Абдувоҳид Абдукаримов (Бекзод Идиев).

Голлар: Абдулазиз Ашрафхонов, Фирдавс Кенжаев, Шоҳруҳ Гулмуродов, Абдувоҳид Абдукаримов.  

"Оқ-тепа" ФК матбуот хизмати