Омид Нурафкан: "Ўзбекистонни икки-уч гол фарқи билан мағлуб эта оламиз"

"Жаҳон чемпионатига йўлланма олган Ўзбекистонни аввалгидек ўз юртида енгиш учун қатъият ва шижоат билан ҳаракат қилишимиз лозим. Ўтган мавсумда CAFA финал учрашувида бу жамоани 1:0 ҳисобида мағлуб этишга эришган эдик. Ўзбекистон жуда кучли жамоа, бироқ биз уларни енга оламиз. CAFA чемпиони бўлиш учун шунчаки икки баробар кўпроқ кучимизни кўрсатишимиз керак холос.

Эрон чемпионатида тўп тепаётган ўзбекистонлик футболчилар жуда яхши ва самарали ўйинчилар ҳисобланиб, улар бизга қийинчилик туғдиради. Аммо улар қандай жамоа билан ўйнашларини ҳам яхши билишади. Ишончим комилки, агар бор куч-ғайратимизни ишга солсак, бу жамоани икки-уч гол фарқи билан мағлуб эта оламиз", – деди 28 ёшли футболчи.

Эслатиб ўтамиз, Эрон – Ўзбекистон баҳси "Олимпия" стадионида соат 19:30 да бошланади.