"Олтин тўп"ни топшириш санаси маълум бўлди

"Олтин тўп"нинг янги ғолиби октябрь ойи охирида эълон қилинади.

France Football журнали талқини бўйича йилнинг энг яхши футболчисини тақдирлаш маросими 28 октябрь куни бўлиб ўтади. Тадбир Париждаги "Шатле" театрида бўлиб ўтади.

Номзодлар номи 4 сентябрь куни эълон қилинади. Ҳаммаси бўлиб 10 та номинация бўйича футболчилар тақдирланади: эркаклар ва аёллар ўртасидаги "Олтин тўп", йилнинг энг яхши эркаклар ва аёллар жамоаси, "Копа Трофи" - энг яхши ёш ўйинчи учун соврин, Лев Яшин номидаги энг яхши дарвозабон мукофоти, энг яхши тўпурар учун Герд Мюллер номидаги мукофот, хайрли ишлар учун Суқрот мукофоти, шунингдек, 2024 йилдан бошлаб эркаклар ва аёллар футболидаги энг яхши мураббийга мукофотлар тақдим этилади.

Эслатиб ўтамиз, 2023 йил Лионель Месси ушбу соврин соҳибига айланганди.