“Олмалиқ” бугун эски стадионда ўйнайди
21 may 2014 12:47
News

“Олмалиқ” бугун эски стадионда ўйнайди

Бугун олий лиганинг 9-тур учрашувлари давом эттирилади. “Олмалиқ” ўз майдонида Самарқанднинг “Динамо” жамоасини қабул қилади.

“Олмалиқ” футбол клуби матбуот котиби Бахтиёр Шириновнинг маълум қилишича, янги стадион майсаси парвариш қилинаётгани боис бугунги ўйин жамоанинг эски стадионида ўтказилади.

Хабарингиз бор, 27 май куни миллий терма жамоамиз Олмалиқдаги янги стадионда Уммонга қарши ўртоқлик учрашувини ўтказади. Шу сабаб ўйингоҳни мазкур баҳсга тайёрлаш ишлари олиб борилмоқда. Шундан келиб чиқиб “Олмалиқ” - “Динамо” учрашуви аввалги стадионда ўтказиладиган бўлди. Катта эҳтимол билан 25 май кунги “Олмалиқ” - “Қизилқум” ўртасидаги Кубок беллашуви ҳам эски стадионда бўлиб ўтади.

Х.Холиқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: