Олий лига. 1-турдаги энг кўп томошабин Наманганда

Дастлабки турдан ўрин олган 8та ўйинни кўриш учун стадионларга жами 44918 нафар томошабин келди. Бу ҳар бир учрашувга ўртача 5614 нафар томошабин келди деганидир.

Турдаги энг кўп томошабин Намангандаги баҳсга ташриф буюрди. "Навбаҳор" - "Обод" ўртасида кечган учрашувни стадиондан 12311 нафар мухлис кузатиб борди. "Бухоро" - "Олмалиқ" баҳсида ҳам деярли шунга томошабин қайд этилган - 12200.

Энг кам томошабин эса "Бунёдкор" - "Сўғдиёна" учрашувига келди. Муҳташам "Бунёдкор" стадионида 509 нафар томошабин келгани ПФЛ томонидан эълон қилинди.

Олий лига-2017
1-тур. 3 март (жума)

«Машъал» (Муборак) – «Локомотив» (Тошкент) – 0:1.
2024 томошабин.

«Пахтакор» (Тошкент) – «Қизилқум» (Навоий) – 3:1.
4153 томошабин.

«Металлург» (Бекобод) – «Динамо» (Самарқанд) - 0:2.
1029 томошабин.

4 март (шанба)
«Шўртан» (Ғузор) – «Нефтчи» (Фарғона) – 1:0.  
4557 томошабин.

«Навбаҳор» (Наманган) – «Обод» (Тошкент) – 2:1.
12311 томошабин.

«Қўқон-1912» (Қўқон) – «Насаф» (Қарши) – 1:2.
8135 томошабин.

«Бухоро» (Бухоро) – «Олмалиқ» (Олмалиқ) – 1:0.
12200 томошабин.

«Бунёдкор» (Тошкент) – «Сўғдиёна» (Жиззах) – 1:0.
509 томошабин.