Олий лиганинг 17-турига жами 25321 нафар томошабин

Қуйида мухлислар ташрифи борасида тўхталиб ўтишни лозим топдик. Миллионлар ўйини бўлмиш футболни ишқибозларсиз тасаввур этиш қийин. Тўғри, охирги йилларда томошабинларнинг ташрифи кескин равишда пасайиб кетмоқда. Бунга бир неча омилларни келтириб ўтиш мумкин.

Олий лиганинг 17-туридан ўрин олган 7 ўйинига жами 25321 та мухлис ташриф буюрган. Ҳар бир баҳсга ўртача миқдорда 3617тадан томошабин демакдир.  Албатта бу ачинарли холатдир. Ўз вақтида битта ўйинга 20000дан зиёд ишқибозлар кирганига гувоҳ бўлганимиз учун 7та ўйинга 25000 мухлис киргани ажабланарлидир.

17-турнинг “Қизилқум” – “Нефтчи” ўйини ишқибозларда катта қизиқиш уйғотди. Мазкур учрашувни 8321 нафар мухлис бевосита стадионда туриб кузатган. Бу йил томошабинлар ташрифи борасида фаоллик кўрсатаётган Навоий жамоасининг ҳар бир уй баҳсига нисбатан кўп мухлис кирмоқда.

Аксинча “Металлург” – “Бухоро” ўйинига энг кам мухлис кирди, 1038 нафар томошабин!

Томошабинлар ташрифи кимда қандай?
«Қизилқум» – «Нефтчи» – 2:0. 8321 томошабин.
«Андижон» – «Олмалиқ» -1:1. 6509 томошабин.
«Металлург» – «Бухоро» – 4:3. 1038 томошабин.
«Насаф» – «Навбаҳор» – 1:0. 3012 томошабин.
«Пахтакор» – «Машъал» – 3:0. 1436 томошабин.
«Бунёдкор» – «Динамо» – 0:1. 1663 томошабин.
«Сўғдиёна» – «Локомотив» – 0:2. 3342 томошабин.