Olamsport.com: Uzbek Tigers жамоаси Тошкентга қайтиб келди
26 apr 2016 15:59
News

Olamsport.com: Uzbek Tigers жамоаси Тошкентга қайтиб келди

Хабар берганимиздек, Россиянинг Ульяновск шаҳридаги “Волга-Спорт-Арена” муз саройида Бутунжаҳон Бокс серияси (WSB) олтинчи мавсуми чорак финали доирасидаги марказий учрашув ўтказилганди.

Унда мусобақада илк маротаба иштирок этаётган “Uzbek Tigers”, яъни “Ўзбек йўлбарслари” жамоаси Россиянинг “Russian Boxing Team” жамоасини ҳар икки кунги жангларда бир хил 3:2 ҳисобида мағлуб этиб, ярим финалга йўл олган эди.

Кеча “Ўзбек йўлбарслари” жамоаси делегацияси Тошкентга қайтиб келди. Пойтахт халқаро аэропортида боксчиларимизнинг оммавий ахборот воситалари ходимлари, бокс федерацияси расмийлари ҳамда кенг спорт жамоатчилиги кутиб олди.