ОКМК – "Андижон" ва "Қизилқум" – "Навбаҳор" баҳсларида ишлаган ҳакамлар номуайян муддатга четлаштирилди
05 may 15:40
News


ОКМК – "Андижон" ва "Қизилқум" – "Навбаҳор" баҳсларида ишлаган ҳакамлар номуайян муддатга четлаштирилди
Суперлиганинг 8-туридан ўрин олган ОКМК – "Андижон" учрашувининг 60-дақиқасида ОКМК футболчиси тўпсиз вазиятда рақиб жамоа вакилининг юзига тирсак билан зарба берди. Бош ҳакам Рустам Лутфуллин ушбу ҳолатда VAR ҳаками билан маслаҳатлашган ҳолда тўғри қарор чиқарди ва тегишли чорани кўрди.
Бироқ беллашувнинг 85-дақиқасида баҳсли пенальти ҳолати юзага келди. Футболчилар ўртасида тўп учун кураш давомида бош ҳакам пенальти белгилади. Аммо вазиятни таҳлил қилган эксперт ҳакамлар қарорига кўра, ушбу ҳолатда 11 метрлик жарима зарбаси тайинланмаслиги керак эди.
Ҳакамлар қўмитаси қарорига кўра, Рустам Лутфуллин хатоликка йўл қўйгани учун номуайян муддатга четлаштирилди.
Шунингдек, "Қизилқум" – "Навбаҳор" ўйинининг 90+5-дақиқасида бош ҳакам Аҳрол Рисқуллаев "Навбаҳор" футболчисининг қўлига теккан тўп сабабли пенальти белгилади. VAR орқали вазият текширилгач, қарор ўзгаришсиз қолган ва 90+12-дақиқада ушбу пенальти амалга оширилган. Аммо экспертлар ушбу ҳолатда футболчининг қўли танасига ёпишиб тургани боис пенальти тайинланмаслиги керак деб топди.
Ҳакамлар қўмитаси қарорига кўра, Аҳрол Рисқуллаев ҳам ўйинда йўл қўйган хатоси туфайли номуайян муддатга четлаштирилди.
Similar news

Comments
8 май. Тошкент вилояти. "Дўстлик" стадиони. 19:00
Бош ҳакам: Абдурашид Худойберганов
Ёрдамчи ҳакамлар: Ойбек Бабаев, Хушнуд Исмаилов
Назоратчи: Бобир Ҳайдаров
Тўртинчи ҳакам: Аҳрол Рисқуллаев
Комиссар: Шаҳзод Холбоев
Манба : Ўзбекистон футбол ҳакамлари маркази==========Ха,ха,ха просто цирк. Ахрол Рискуллаев номуайян муддатга четлаштирилди. 8 май санасида эса. Туртинчи хакамликка тайинланди. Номуайян муддат уч кун эканда.
Keyin siqilganim yoq real xayota wunaqaku chichib quyib avarenkani yoqiw moda bugan wunga uxwedi diyapman xozirgi xolat
Keyin uzim kokanli buganim bilan klubga unaqa qiziqw yuq be maqsad kamanda oldiga maqsad quysa uylab kuramiz yowlida bitayam uyinlari qoldrme kirardim muchila uynagan paytlari xozirgi uyni bita yutib bita yutiqiziiwi qiziq mas baribir ligada qoliwka uynedi undan anjon nefchi navbaxor dinamoga jicha qiziqw bor kecha sudya rostan utirib quydida tan oliw kere))