ОФК Осиё Кубогида VARдан фойдаланиши мумкин
27 sep 2018 13:17
News

ОФК Осиё Кубогида VARдан фойдаланиши мумкин

Қишда бўлиб ўтадиган Осиё Кубоги чиройли ва машмашаларсиз ўтиши учун ОФК Video Assistant Referee (VAR) тизимидан фойдаланмоқчи.

Мусобақага 100 кун қолган бир пайтда тайёргарлик жуда яхши давом этяпти деса бўлади. ФИФА Россиядаги жаҳон чемпионатида VARни синаб кўрди. Ушбу дастур кўпчиликда турлича таассурот қолдирган бўлса-да, ФИФА ўз қароридан воз кечмади. Эндиликда ОФК ҳам ФИФАдан ўрнак олган ҳолда VARни синаб кўриши мумкин.

Бу ҳақда ОФК президенти Шайх Салмон бин Иброҳим Ал Халифа шундай деди: "Осиёда футбол ривожланяпти. Биз технологиялар даврига тайёрмиз. Шу боис ҳам Осиё Кубогида VAR тизимидан фойдаланишни мақсад қиляпмиз. Жаҳон чемпионатида VAR кўп томонлама ҳакамларга ёрдам берганини кўрдик".

Маълумот учун, Осиё Кубоги 2019 йилнинг 5 январида старт олади ва мусобақа тарихида илк марта 24та жамоа қатнашади. Ўзбекистон миллий терма жамоаси "F" гуруҳида Япония, Уммон ва Туркманистонга қарши баҳс олиб боради.

Link :

Source : the-afc.com

Receive latest football news directly on your phone. Subscribe for our Telegram channel!

Rating: +8