ЎФФ рахбари “Бунёдкор” ФКни табриклади

“Бунёдкор” футбол клуби маъмуриятига

Ўзбекистон футбол федерацияси “Бунёдкор” футбол клубининг аҳил жамоасини футбол бўйича 2013 йилги олий лига мусобақасида олтин медалларни қўлга киритганлиги, шунингдек, Ўзбекистон кубоги соҳиби бўлиб, мавсумни олтин дубль билан тугатганлиги муносабати билан самимий табриклайди.

Дарҳақиқат, 2013 йилги мавсумда чемпионлик пойгаси ҳар қачонгидан шиддатли ва қизиқарли кечди. Аввалги йилларга қиёсан бу йилги кураш чемпионатнинг сўнгги турига қадар уч жамоа ўртасида қизғин тус олди ва унда “Бунёдкор” футбол клуби кучли иродасини намойиш этиб, ҳақли равишда чемпионликни қўлга киритди.

Умид қиламанки, “Бунёдкор” футбол клуби олдинга интилишда давом этади ва 2014 йилги Осиё Чемпионлар лигаси мусобақасида яхши иштирок этиб, Ўзбекистон шарафини муносиб ҳимоя қилади.

Олтин медаллар муборак бўлсин!

Ўзбекистон футбол федерацияси президенти                   М.З.Усмонов