ЎФА терма жамоада фаолият олиб борган хорижлик мутахассислар билан хайрлашди
02 apr 14:14
News

ЎФА терма жамоада фаолият олиб борган хорижлик мутахассислар билан хайрлашди

Tags : Ўзбекистон аёллар терма жамоаси Мидори Хонда

Ўзбекистон аёллар миллий терма жамоаси бош мураббийи Мидори Хонда ва дарвозабонлар мураббийи Такая Тсутсуми билан тузилган шартнома муддати ўз якунига етди.

Япониялик мутахассисларнинг юртимиздаги 2 йиллик фаолияти давомида аёллар терма жамоамиз CАФА мусобақаларида ғолибликни қўлга киритди, ФИФА рейтингида ўз ўрнини яхшилаб борди. Тарихда илк марта Олимпиада саралашининг сўнгги босқичига қадар етиб борди.

Ўзбекистон футбол ассоциацияси япониялик мутахассислар Мидори Ҳонда ва Такая Тсутсумига миннатдорчилик билдиради ва келгуси фаолиятларида омад тилайди.