Одил Аҳмедов: "Мусобақани 3 очко билан бошлаш жуда муҳим эди"
10 jan 2019 11:51
News

Одил Аҳмедов: "Мусобақани 3 очко билан бошлаш жуда муҳим эди"

Осиё Кубоги 1-туридан ўрин олган Ўзбекистон - Уммон (2:1) учрашувидан сўнг жамоамиз сардори Одил Аҳмедов ўз фикрларини билдириб ўтди.

"Жуда ҳам қийин ўйин бўлди, қийин ғалаба. Керакли ғалаба бўлди, чунки мусобақани 3 очко билан бошлаш жуда муҳим эди. Шу боис ғалабадан хурсандмиз. Ўйлайманки кейинги ўйинларда бундан ҳам чиройли ўйин намойиш этиб, олдимизга қўйилган вазифани уддалаймиз.

Кетма-кет учинчи Осиё Кубогида гол урганимдан албатта хурсандман. Асосийси жамоамиз ғалаба қозонса бўлгани.

Навбатдаги ўйинимиз Туркманистон билан бўлади. Осиё Кубогида кўплаб сенсацион натижалар қайд этилмоқда. Шу боис ҳеч бир ўйинда ким ғалаба қозонишини олдиндан айтиб бўлмайди. Туркманистон билан ҳам қизиқарли ўйин бўлади. Бундан ҳам яхши ўйинларимиз ҳали олдинда", - дейди Одил Аҳмедов.

Нарзулла Сайдуллаев ёзиб олди