Одил Аҳмедов: "Меленстен тажрибали мураббий экани кўриниб турибди"

«Рене Меленстен биз билан анчадан буён ишламоқда. Йиғин давомида Меленстен билан машғулотлар ўтказгандик. Тўп билан ишлаяпмиз, тактик томонлама тайёрланаяпмиз, — дейди Аҳмедов. — Меленстен тажрибали экани кўриниб турибди, бекорга Алекс Фергюсон билан бирга ишламаган. У яхши мураббий экани кўриниб турибди. Бизга дастлабки ғалаба зарурлигини айтди. Асосий мақсад эса «Анжи» доим юқори даражада юриши.

Ўз кучимизга ишончни қайтариш учун битта ғалаба керак. Жамоа ғалаба қозонса футболчиларда ишонч кўпаяди.  «Крилья Советов»га қарши ўйин бор. Улар иккита ўйинни ютқазишди? Россия чемпионатида кучсиз жамоа йўқ, бундан ташқари улар ўз майдонида ўйнашади. Рақиб ҳам бизни мағлуб этмоқчи. Аммо биз Самарада ғалаба қозонишга уринамиз».